ZŠA nie paćviardžajuć adpraŭku va Ukrainu paŭnočnakarejskich vajskoŭcaŭ
ZŠA i ich sajuźniki ŭstryvožanyja pahrozami z boku Paŭnočnaj Karei, a taksama jaje vajennaj padtrymkaj Rasii ŭ vajnie z Ukrainaj, adnak paŭnočnakarejskija sałdaty nie ŭdzielničajuć u bajavych dziejańniach, paviedamiŭ ahienctvu Associated Press vysokapastaŭleny amierykanski čynoŭnik.
Hienieralny sakratar NATA Mark Rute taksama zajaviŭ, što Paŭnočnaatłantyčny aljans nie moža paćvierdzić paviedamleńni ŭkrainskich ŚMI pra ŭdzieł vajskoŭcaŭ z KNDR u vajnie.
«U nas niama paćviardžalnych paviedamleńniaŭ, ale my miarkujem, što KNDR užo padtrymlivaje vajennyja namahańni Rasii ŭ techničnych adnosinach», — zajaviŭ Rute.
Raniej vydańnie Kyiv Post sa spasyłkaj na krynicy va ŭkrainskaj raźviedcy paviedamiła, što bolš za 20 vajskoŭcaŭ zahinuli ŭ vyniku rakietnaha ŭdaru USU pa rasijskim vajskovym abjekcie pablizu Daniecka. Siarod zahinułych byli nibyta šeść aficeraŭ z Paŭnočnaj Karei, jakija pryjechali na naradu sa svaimi rasijskimi kalehami, a jašče troje paŭnočnakarejskich vajskoŭcaŭ atrymali ranieńni.
Źjaŭlalisia taksama i inšyja paviedamleńni, što paŭnočnakarejskija vajskoŭcy ŭžo vajujuć va Ukrainie, pry hetym takoje śćviardžeńnie prahučała i z vusnaŭ prezidenta krainy Uładzimira Zialenskaha. 14 kastryčnika jon skazaŭ:
«My bačym, što naroščvajecca sajuźnictva pamiž Rasijaj i takimi režymami, jak u Paŭnočnaj Karei. Heta ŭžo [havorka] nie prosta pra pieradaču zbroi. Heta [havorka] faktyčna pra pieradaču ludziej z Paŭnočnaj Karei ŭ vajennyja siły akupanta».
Rakietnym udaram ukraincy źniščyli kala Daniecka šaściarych aficeraŭ z KNDR — Kyiv Post
Paŭnočnakarejskija vojski ŭžo na terytoryi Ukrainy — The Washington Post
Pucin unios u Dziarždumu zakonaprajekt ab usieahulnym stratehičnym partniorstvie z KNDR
KNDR śćviardžaje, što 1,4 młn čałaviek padali zajaŭki na ŭstupleńnie ŭ armiju
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary