«Pad rośpis davodziać, što heta abaviazkova». Dziaržaŭnych ściahoŭ na biełaruskich šmatpaviarchovikach stanie bolš
Pa infarmacyi «Našaj Nivy», u Hrodnie nieŭzabavie dziaržaŭnyja ściahi mohuć źjavicca na kožnym žyłym šmatpaviarchoviku.
Staršyniaŭ žyllova-budaŭničych kaapieratyvaŭ u Hrodnie hetaj vosieńniu aktyŭna pačali vyklikać u miascovyja vykankamy.
Tam, pa infarmacyi krynicy, im pad rośpis davodzili, što da kanca kastryčnika na ich domie ŭ abaviazkovym paradku musić być ustalavany dziaržaŭny ściah.
Nabyvać i ŭstaloŭvać simvoliku žychary musiać za ŭłasny košt. Dziaržava svaje hrošy na heta nie vyłučaje.
Raboty pa «papularyzacyi i raźmiaščeńni dziaržaŭnaj simvoliki» aktyŭna viaducca ŭ Biełarusi ad samaha pačatku 2021 hoda. Pastupova dziaržaŭnaja simvolika pačała ŭsio čaściej źjaŭlacca na dachach šmatpaviarchovych žyłych damoŭ. Jak praviła, na tych damach, jakija mieli vialikuju kolkaść pavierchaŭ i byli daminantaj u mikrarajonie abo znachodzilisia blizu centra i hałoŭnych daroh.
Ciapier vynikaje, što praktyku chočuć raspaŭsiudzić i na šerahovyja šmatpaviarchoviki, jakija znachodziacca ŭ spalnych rajonach horada — jak heta ciapier źbirajucca rabić u Hrodnie.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary