Julija Navalnaja zajaviła pra namier bałatavacca ŭ prezidenty Rasii
Udava rasijskaha apazicyjnaha palityka Alaksieja Navalnaha, jaki zahinuŭ u kałonii za Palarnym kruham 16 lutaha 2024 hoda, Julija Navalnaja zajaviła pra namier bałatavacca. Pra heta jana skazała ŭ intervju BBC, prymierkavanym da vychadu miemuaraŭ Navalnaha «Patryjot», jakija jon pisaŭ da svajoj śmierci ŭ źniavoleńni.
U intervju BBC Navalnaja havoryć, što pasprabuje zrabić toje, što nie zmoh jaje muž: udzielničać u vybarach prezidenta Rasii.
«Mianie padtrymlivaje šmat ludziej, i ja chaču ŭ adkaz padtrymać ich. Mnohija prychilniki Alaksieja byli vymušanyja źjechać z Rasii, ale miljony — zastalisia. Jany žyvuć va ŭmovach mocnaha cisku i represij, ale mnie vielmi važna padtrymlivać ź imi suviaź», — skazała jana.
Pavodle słoŭ Navalnaj, ciapier jaje meta «nablizić i zrabić mahčymymi pieramieny ŭ krainie».
«Kali ja viarnusia ŭ Rasiju, ja pajdu na vybary kandydatam u prezidenty», — zajaviła ŭdava Navalnaha.
Ale pakul Uładzimir Pucin zastajecca va ŭładzie, viartańnie ŭ Maskvu «na žal, niemahčyma», ličyć Julija. Jana nahadvaje, što nie zmahła pryjechać u svoj rodny horad navat na pachavańnie muža, bajučysia aryštu.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary
nu, vidavočna, heta ŭsio rytaryčnyja pytańni bo nichto joj nie daść bałatavacca. moža tolki niejčaje vojska pad kramlom)