«Kryma bolš niama». Amieryka pry Trampie nie źbirajecca dapamahać Ukrainie viartać akupavanyja Rasijaj terytoryi?
Brajan Łanza, jaki byŭ daradcam Trampa padčas vybarčaj kampanii, zajaviŭ, što novaja administracyja zasiarodzicca na dasiahnieńni miru va Ukrainie.
Pra heta palityk raspavioŭ u efiry prahramy «Weekend» na BBC World Service, pieradaje vydańnie «Ukrajinśka pravda».
Daradca Trampa i strateh Respublikanskaj partyi adznačyŭ, što novaja administracyja źvierniecca da prezidenta Ukrainy Uładzimira Zialenskaha z prośbaj pradstavić svajo «realistyčnaje bačańnie miru».
«Kali prezident Zialenski siadzie za stoł pieramovaŭ i skaža, što my možam dasiahnuć miru tolki ŭ vypadku, kali ŭ nas budzie Krym, jon pakaža nam, što jon niesurjozna stavicca da hetaha…
Kali Zialenski zajaŭlaje, što my spynim bajavyja dziejańni i što mir nastupić tolki tady, kali Krym budzie viernuty,
u nas jość navina dla prezidenta Zialenskaha: Kryma bolš niama… I kali vaš pryjarytet — viartańnie Kryma i pryciahnieńnie amierykanskich sałdat dla viartańnia Kryma, to vy zastanieciesia sami pa sabie».
Łanza nie zhadvaŭ pra akupavanyja terytoryi ŭschodniaj Ukrainy, ale adznačyŭ, što viartańnie Kryma Ukrainie źjaŭlajecca nierealistyčnym i «nie źjaŭlajecca metaj Złučanych Štataŭ».
Niahledziačy na słovy daradcy Trampa, Ukraina nikoli nie źviartałasia da ZŠA z prośbaj nakiravać svaich vajskoŭcaŭ dla baraćby suprać Rasii, havorka išła tolki pra vajskovuju dapamohu.
Łanza taksama dadaŭ, što stavicca ź vialikaj pavahaj da ŭkrainskaha naroda, apisaŭšy jaho jak narod «z sercam ilva». Ale, pavodle jaho słoŭ, pryjarytetam ZŠA źjaŭlajecca «mir i spynieńnie zabojstvaŭ».
«My chočam skazać Ukrainie: vy razumiejecie, što bačycie? Jakoje vašaje realistyčnaje bačańnie miru? Heta nie bačańnie pieramohi, ale bačańnie miru. I davajcie pačniem sumlennuju razmovu», — skazaŭ jon.
Daradca Trampa taksama raskrytykavaŭ padtrymku, jakuju administracyja Bajdena-Charys i jeŭrapiejskija krainy akazali Ukrainie paśla poŭnamaštabnaha ŭvarvańnia Rasii ŭ lutym 2022 hoda.
«Realnaść na miescach takaja, što jeŭrapiejskija dziaržavy i prezident Bajden nie dali Ukrainie mahčymaści i zbroi dla pieramohi ŭ hetaj vajnie ŭ samym pačatku i jany nie zdoleli źniać abmiežavańni dla pieramohi Ukrainy», — skazaŭ jon.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki21
Kamientary