Novaja vakcyna ad VIČ prajšła finalnaje vyprabavańnie. Efiektyŭnaść — rekordnyja 99%
Ekśpierymientalny preparat lenakapavir na apošniaj stadyi vyprabavańniaŭ na tysiačach pacyjentaŭ prademanstravaŭ ledź nie idealnuju efiektyŭnaść u baraćbie z virusam imunadeficytu čałavieka (VIČ), što istotna nabliziła čałaviectva da poŭnaj pieramohi nad hetaj chvarobaj. Voś kali možna čakać preparat u prodažy.
Novaja vakcyna ad VIČ pad nazvaj lenakapavir prajšła apošniuju stadyju kliničnych vyprabavańniaŭ i paśpiachova abaraniła ad virusu tysiačy pacyjentaŭ pa ŭsim śviecie, paviedamlajecca na aficyjnym sajcie pryvatnaha daśledčaha ŭniviersiteta Emory, ZŠA.
Preparat dziejničaje na ŭzroŭni kapsidu VIČ — źniešniaj białkovaj abałonki virusa, jakaja adyhryvaje važnuju rolu ŭ jaho praniknieńni ŭ kletki čałavieka. Błakujučy kapsid, lenakapavir pieraškadžaje VIČ zaražać novyja kletki i razmnažacca.
U maštabnym finalnym vyprabavańni novaha preparatu pryniali ŭdzieł 2179 mužčyn i žančyn u 88 miedcentrach u Pieru, Brazilii, Arhiencinie, Mieksicy, Paŭdniovaj Afrycy, Tajłandzie i ZŠA. Tolki dva ź ich paśla pryniaćcia lenakapaviru zarazilisia iznoŭ.
Pry dalejšaj prafiłaktycy VIČ lenakapaviram i ŭviadzieńni preparatu dva razy na hod ryzyka paŭtornaha zachvorvańnia źnižajecca na 96%, padkreślivaje kamanda daśledčykaŭ z univiersiteta Emory.
«Heta nievierahodna vysoki ŭzrovień efiektyŭnaści dla preparata, jaki nieabchodna ŭvodzić injekcyjna ŭsiaho dva razy na hod. Heta značny i hłyboki prahres u miedycynie, asabliva dla ludziej, čyje abstaviny nie dazvalajuć im štodzionna prymać pieraralnuju terapiju, i dla tych, čyja rehijony pražyvańnia vielmi mocna zakranuty VIČ», — zajavili navukoŭcy.
Jany adznačyli, što ŭžo pieradali ŭsiu nieabchodnuju dakumientacyju pa vyprabavańniach lenakapavira amierykanskamu fiederalnamu rehulataru FDA, jaki vydaje rašeńni ab masavym vypusku lekaŭ.
Dazvoł pa lenakapaviry moža być vydadzieny ŭžo ŭ nastupnym hodzie, kažuć daśledčyki.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary
Vakcyna nastrajvaje imunitet čałavieka kab jon sam z chvarobaj spraŭlaŭsia.