Da hoda zialonaj źmiai ŭ «Halerei» paviesili 120-mietrovaha Vužynaha karala
Vužyny karol — hieroj biełaruskaj mifałohii, zachavalnik tajamničych skarbaŭ, simvał mudraści i bahaćcia. Galleria Minsk zaprašaje dałučycca da biełaruskich lehiend i falkłoru. A taksama dakranucca na ŭdaču da samaha vialikaha ŭ krainie simvała budučaha hoda.
U hetym hodzie «Halereja» stvaryła niezvyčajny navahodni dekor — pad karaniami Suśvietnaha dreva vy zmožacie zazirnuć u hości da Vužynaha karala.
«Vužyny karol — lehiendarnaja istota biełaruskich mifaŭ, uładar źmiainaha carstva i zachavalnik tajamničych skarbaŭ. Jaho pamiery vas sapraŭdy ŭraziać. Vieličny, niezvyčajnaj pryhažości, sa skuraj, źziajučaj, jak zornaje nieba, załatoj karonaj na hałavie», — pišuć stvaralniki fotazony.
Jany rajać abaviazkova dakranucca da źmiainaj karony na staronkach vialikaj knihi lehiend — «i vam napeŭna pašancuje ŭ novym hodzie», abiacajuć jany.
Maštaby instalacyi vas sapraŭdy ŭraziać. Daŭžynia ŭsioj dekaracyi — 120 mietraŭ. Źbirali jaje vosiem načej. Hetuju instalacyju možna ličyć samym bujnym simvałam hoda ŭ krainie.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary