Pieršyja žančyny‑pałkoŭniki mohuć źjavicca va Uzbrojenych siłach Biełarusi sioleta,
paviedamiŭ načalnik pres‑słužby Ministerstva abarony Viačasłaŭ Ramienčyk. Pavodle jaho słoŭ,
usie jany buduć pradstaŭlać vajenna‑miedycynskuju śfieru.
Pakul ža słužbu ŭ biełaruskaj armii ŭ zvańniach «major» i «padpałkoŭnik» prachodziać adpaviedna 55 i 34 žančyny. U zvańniach małodšych aficeraŭ słužać 300 žančyn. Siaredni ŭzrost žančyn‑aficeraŭ składaje 29 hadoŭ.
Pieravažnaja bolšaść aficeraŭ‑žančyn prachodziać słužbu na pasadach vajennych uračoŭ, psichołahaŭ, pierakładčykaŭ, jurystaŭ. Niekatoryja ŭznačalvajuć adździaleńni ŭ vajennych kamisaryjatach. U studzieni 2010 hoda zahadam ministra abarony Pieralik vajenna‑ŭlikovych śpiecyjalnaściaŭ aficerskaha składu Uzbrojenych sił, na jakich mohuć prachodzić vajennuju słužbu hramadzianie žanočaha połu, značna pašyrany. Jon praduhledžvaje mahčymaść prachodžańnia žančynami vajskovaj słužby na pasadach kamandnaha, inžyniernaha, techničnaha, vajenna‑humanitarnaha, ideałahičnaha, piedahahičnaha i miedycynskaha profilaŭ.
Usiaho ŭ biełaruskaj armii pa stanie na 1 lutaha 2010 hoda słužać kala 4.360 žančyn, 2.830 ź ich prachodziać słužbu pa kantrakcie na pasadach sałdat i siaržantaŭ, kala 1.140 źjaŭlajucca praparščykami.
Z 2002 hoda ažyćciaŭlajecca nabor dziaŭčyn na fakultet suviazi i aŭtamatyzavanych sistem kiravańnia Vajennaj akademii. Siońnia ŭ hałoŭnaj vajennaj VNU krainy vučacca 13 dziaŭčyn, piać — na vajennym fakultecie Biełaruskaha dziaržaŭnaha univiersiteta. U 2010 hodzie try vypusknicy fakulteta suviazi i ASK Vajennaj akademii, a taksama dźvie vypusknicy vajennaha fakulteta BDU nadzienuć aficerskija pahony. A ŭ 2011 hodzie siarod vypusknikoŭ avijacyjnaha fakulteta Vajennaj akademii ŭpieršyniu budzie dziaŭčyna — vajenny piłot.
Ciapier čytajuć
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli1
Kamientary