Nacyjanalnaja zbornaja Biełarusi pa futbole zdolnaja paśpiachova vystupić u adboračnym turniry čempijanatu Jeŭropy‑2012.
Pra heta zajaviŭ hałoŭny trenier zbornaj Biernd Štanhie 5 sakavika na pres‑kanfierencyi ŭ Minsku.
«Ja absalutna ŭpeŭnieny, što naša stabilnaja kamanda ź niekatorymi talentami, jakija da nas dałučylisia, vystupić lepš, čym u papiarednim adboračnym cykle čempijanatu śvietu», — skazaŭ jon.
Pry hetym Štanhie adznačyŭ, što ŭ svajoj adboračnaj hrupie Biełaruś źjaŭlajecca nie samaj mocnaj kamandaj. «Francyja, Rumynija, Bośnija i Hiercahavina znachodziacca na bolš vysokaj pazicyi ŭ rejtynhu», — skazaŭ jon.
«My chutčej aŭtsajdary. Ale i aŭtsajdary majuć šancy. I my pavinny imi skarystacca», — dadaŭ Štanhie.
Hałoŭny trenier taksama paviedamiŭ, što nie zusim zadavoleny kalendarom adboračnaha turniru, apošnija hulni jakoha zbornaja praviadzie na vyjeździe suprać najbolš vierahodnych sapiernikaŭ u baraćbie za druhoje miesca — zbornych Bośnii-Hiercahaviny i Rumynii.
«Ź inšaha boku, z Francyjaj na vyjeździe lepš hulać s samaha pačatku, a nie ŭ siaredzinie turniru, kali jana moža być stomlenaj paśla čempijanatu śvietu i kali ŭ jaje moža źmianicca trenier. Akramia taho, z červienia pa vierasień 2011 hoda zbornaja praviadzie try damašnija matčy. Paśpiachovaja hulnia ŭ ich moža dapamahčy nam prabicca na vysokaje miesca ŭ tablicy», — skazaŭ Štanhie.
Sapiernikami Biełarusi ŭ hrupie D adboračnaha turniru čempijanatu Jeŭropy‑2012 akramia Francyi, Rumynii i Bośnii i Hiercahaviny taksama źjaŭlajucca zbornyja Ałbanii i Luksiemburha.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary