Izrail i CHAMAS dasiahnuli pryncypovaha pahadnieńnia ab spynieńni ahniu
Izrailskaja hazieta Times of Israel paviedamiła ŭčora ŭviečary sa spasyłkaj na arabskich pierahavorščykaŭ, što pryncypovaje pahadnieńnie na niepramych pieramovach pamiž uradam Izraila i paleścinskich rucham CHAMAS dasiahnutaje. Zdajecca, parazumieńnie sapraŭdy dasiahnuta.
Na pieramovach u stalicy Katara Dosie zastavałasia tolki ŭdakładnić detali, jakija tyčacca vyvadu izrailskaj armii z rajonaŭ siektara Haza.
Paśla taho pastupali supiarečlivyja paviedamleńni, što ruch CHAMAS nie choča prymać hetyja ŭmovy i dabivajecca pierahladu asobnych punktaŭ. Ale ŭrešcie CHAMAS pieradaŭ pasiarednikam zhodu na pahadnieńnie ab spynieńni ahniu ŭ siektary Haza i abmien pałonnych, paviedamiła Al Jazeera.
Kali pahadnieńnie budzie padpisana, to jano pavinna być realizavana ŭ try etapy, pieršy ź jakich budzie doŭžycca 42 dni, raskazaŭ raniej u intervju CNN izrailski čynoŭnik.
Na pieršym etapie buduć vyzvalenyja 33 zakładniki, jakija ŭtrymlivajucca CHAMAS i jaho sajuźnikami z 7 kastryčnika 2023 hoda, u tym liku žančyny, dzieci, mužčyny starejšyja za 50 hadoŭ i paranienyja. Izrail, u svaju čarhu, vyzvalić «mnohija sotni» paleścinskich źniavolenych, u tym liku paleścincaŭ, asudžanych za zabojstva izrailcian.
Paleścinskim cyvilnym asobam u Hazie budzie dazvolena svabodna viarnucca na poŭnač siektara, buduć pryniatyja «miery biaśpieki», jakija nie majuć kankretnych terminaŭ. Izrailskija vajskoŭcy pačnuć vyvodzić vojski z nasielenych punktaŭ na pieršym etapie, ale zastanucca ŭzdoŭž miažy pamiž Hazaj i Jehiptam. Izrail taksama zachavaje bufiernuju zonu ŭnutry Hazy ŭzdoŭž miažy.
Pieramovy ab dasiahnieńni druhoj i treciaj faz pahadnieńnia ab spynieńni ahniu, jakoje zaklikana pakłaści kaniec vajnie, pačnucca na 16-y dzień realizacyi pahadnieńnia. Spynieńnie ahniu paśla zaviaršeńnia pieršaha etapu pahadnieńnia nie harantujecca.
U Izraili hetaje pahadnieńnie padtrymlivajecca nie ŭsimi. Tak, ministr nacyjanalnaj biaśpieki Itamar Ben-Hvir pryhraziŭ vyjści z kaalicyi premjer-ministra Bińjamina Nietańjachu, kali toj pahodzicca na jaho. Ben-Hvir ličyć pahadnieńnie «niebiaśpiečnaj kapitulacyjaj pierad CHAMAS» i zajaviŭ, što jahony krok nakiravany na praduchileńnie jaho realizacyi.
Małodšy brat zabitaha lidara CHAMAS Jachji Sinvara ŭznačaliŭ hrupoŭku
Blinkien acaniŭ dziejańni Bajdena va Ukrainie i raskazaŭ, što budzie z ukrainska-rasijskaj miažoj i jakija nieparazumieńni mieŭ ź Izrailem
Izrail upieršyniu pryznaŭ, što zabiŭ lidara CHAMASa Ismaiła Chaniju ŭ Iranie
«Heta ja źjaviŭsia ŭ centry Kijeva, a nie Pucin». Bajden padvioŭ mižnarodnyja vyniki svajho prezidenckaha terminu
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ12
Kamientary
otpustiť tysiači urodov - eto bolšaja ošibka Izraila. eti otbrosy umiejut i chotiat tolko odnoho - UBIVAŤ...