Navukoviec pryśviaciŭ siabie vyvučeńniu biełaruskaha narodnaha dojlidstva i ŭdzielničaŭ u adnaŭleńni Lubčanskaha zamka i Minskaj miačeci.
Pra śmierć paviedamiŭ telehram-kanał «Spadčyna». Pavodle jaho infarmacyi, 88-hadovy architektar pamior na minułym tydni, raźvitańnie adbyłosia 17 studzienia ŭ zale krematoryja na Paŭnočnych mohiłkach Minska.
Uładzimir Vasilevič Traceŭski naradziŭsia ŭ 1936 hodzie ŭ haradskim pasiołku Paryčy Śvietłahorskaha rajona. Skončyŭ u 1964 hodzie Biełaruski politechničny instytut.
Paśla pracavaŭ u Biełdziaržprajekcie, dzie zaprajektavaŭ Mižnarodny moładzievy centr «Junactva» na Zasłaŭskim vadaschoviščy, žyłyja damy ŭ Minsku i inšych haradach, kompleks budynkaŭ pa ciapierašnim praśpiekcie Pieramožcaŭ — Dom techničnaj infarmacyi, Dom knihi i Biełkaapsajuza.
Šmat hadoŭ, z 1969 pa 2017, vykładaŭ na architekturnym fakultecie BNTU, u tym liku historyju biełaruskaj architektury. U 2000 hodzie atrymaŭ zvańnie prafiesara.
Narodnamu dojlidstvu Biełarusi pryśviečany mnohija jaho raboty, u tym liku fundamientalnaja «Historyja architektury narodnaha žylla Biełarusi» (1989).
Asnovaj pracy źjavilisia materyjały, sabranyja daśledčykam u 1968—1987 hadach u ekśpiedycyjach. Traceŭski apracavaŭ bahatyja archiŭnyja materyjały, abśledavaŭ 116 rajonaŭ krainy, vyvučyŭ bolš za 3000 abjektaŭ, ułasna rabiŭ abmiery, zamaloŭki, fotazdymki.
U 1993 hodzie ŭ pieciarburhskim Instytucie imia Repina abaraniŭ kandydackuju dysiertacyju «Narodnaje draŭlanaje žyllo Biełarusi XVIII — XX stst. (hieniezis, evalucyja, nacyjanalnyja asablivaści)».
Byŭ siabram prezidyuma Biełaruskaha tavarystva achovy pomnikaŭ historyi i kultury. Raspracavaŭ prajekty restaŭracyi kaściołaŭ u Varončy, Daravie, Babrujsku, Siomkavym Haradku, Voŭčynie, carkvy ŭ Vialikaj Lipie, siadzibnaha kompleksu ŭ Vysokaj Lipie i inš.
Jak piša kanał, u apošnija dziesiacihodździ Traceŭski dapamahaŭ jak navukovy kansultant pry adnaŭleńni Lubčanskaha zamka, zaprajektavaŭšy reniesansnyja kupały dla viežaŭ. A ŭ Minsku pry jaho ŭdziele pabudavana Sabornaja miačeć, jakaja pa ŭpartym patrabavańni architektara źjaŭlajecca kopijaj źniščanaj minskaj miačeci XIX stahodździa.
-
Ksiondz kaścioła ŭ Župranach hruntoŭna adkazaŭ na pretenzii pra ramont u chramie, dzie pachavany Bahuševič
-
Uładzimir Niaklajeŭ z nahody svajho 80‑hodździa napisaŭ sabie niekrałoh — žartaŭlivy i fiłasofski
-
U Minsku znosiać mižvajennuju balnicu pracy francuzskaha architektara. Źniščyć pomnik dapamahali dva miascovyja akademiki
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała22
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary