Łukašenka prakamientavaŭ słovy Zialenskaha pra prapanovu ŭdaryć pa NPZ
Alaksandr Łukašenka ŭpieršyniu adkazaŭ na słovy Uładzimira Zialenskaha pra toje, što ŭ pačatku paŭnamaštabnaj vajny jon vybačaŭsia pierad ukraincami i prapanoŭvaŭ Zialenskamu ŭdaryć u adkaz pa Mazyrskim NPZ.
U pačatku studzienia vyjšła intervju Uładzimira Zialenskaha amierykanskamu padkastaru Leksu Frydmanu. Tam ukrainski prezident zhadvaŭ hutarku z Alaksandram Łukašenka ŭ lutym 2022-ha:
«Ja jamu [Łukašenku] skazaŭ, što jon taki ž zabojca, a jon mnie skazaŭ: «Zrazumiej, nielha vajavać z ruskimi». Kažu jamu: «Jak ty dapuściŭ?» Jon kaža: «Nu dobra, stukni pa NPZ, ty ž viedaješ, jak jon šmat dla mianie značyć». Ja jamu kažu: «Što ty havoryš?»
Siońnia Łukašenka daŭ pres-kanfierencyju na ŭčastku, dzie jon prahałasavaŭ. Tam palityk prakamientavaŭ tyja słovy Zialenskaha:
«Čuŭ niadaŭna ŭ interpretacyi žurnalistaŭ, nie dumaju, što jany skazili, jak Zialenski kazaŭ pra mir i byccam by ja jamu prapanoŭvaŭ — nu, ździejśni ŭdar pa Mazyrskim NPZ. Kali ja heta pačuŭ, mnie stała drenna. Dla mianie heta było absalutna nieprymalna! Prapanavać Zialenskamu ździejśnić udar pa našamu naftapierapracoŭčamu zavodu, najlepšamu, ja b skazaŭ, zavodu ŭ śviecie, jaki my niadaŭna madernizavali i ŭkłali tudy ahromnistyja srodki!
Klanusia vam, što takoha nie było. Navošta ty takoje kažaš? Ty drenny šoumien, ty navat nie Tramp. Tak nielha kazać, ty ž chłusiš!»
«Naša Niva» — bastyjon biełaruščyny
PADTRYMAĆCiapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary