Amal 30 kiłahramaŭ. Biełarus dziesiać hadoŭ źbiraŭ maniety: voś kolki ŭdałosia sabrać
Andrej pačaŭ źbirać maniety amal adrazu paśla denaminacyi. Kankretnaj mety jon nie staviŭ, było prosta cikava, kolki ŭdasca adkłaści, piša Onliner.
Biełarus pačaŭ źbirać maniety ŭ 2016 hodzie i tak zachapiŭsia, što tracić ich budzie tolki ciapier, u 2025 hodzie. Mužčyna nie staviŭ kankretnaj mety, jakuju sumu treba naźbirać, ale jana vyjšła prystojnaj.
«Ułasna kažučy, ja zaŭsiody adkładaŭ drabiazu, bieź niejkaj mety naźbirać na niešta značnaje, cikavy sam praces. U škole heta byli papiarovyja «zajčyki», jakija pierad pastupleńniem u VNU patracili ź siabrami na zabavy i smakotki.
Va ŭniviersitecie adkładaŭ drabiazu z bolš kankretnaj metaj: pierad vypuskam kupić 5-litrovuju bočačku piva i kab adnahrupniki na im pakinuli podpisy dy pažadańni (tak i atrymałasia: bočačka byŭ raśpitaja i podpisy sabranyja, ciapier staić jak suvienir)», — raskazaŭ Andrej.
Adrazu paśla denaminacyi i źjaŭleńnia maniet u 2016 hodzie ŭ Andreja pačaŭsia novy čelendž. Spačatku jon źbiraŭ maniety pa 2 rubli, a dzieści praz hod pačaŭ źbirać i maniety 1 rubiel.
«Znoŭ ža, hłabalnaj mety zboru nie było, ale dla siabie hetak ža vyrašyŭ, što patraču tolki na niešta značnaje. U śniežni minułaha hoda my z žonkaj nabyli kvateru, pieraličyli maniety i vyrašyli na ich nabyć novuju kuchniu, tamu, na žal, chutka budziem ad ich pazbaŭlacca», — kaža biełarus.
Na siońnia manietami pa 2 rubli Andreju ŭdałosia naźbirać 6032 rubli, manietami pa 1 rublu — kala 1800 rubloŭ. U vyniku atrymałasia amal 8 tysiač, jakija važać amal 30 kh.
«Pieršapačatkova była adna nievialikaja skarbonka, źbirali ŭsio ŭ jaje, potym, kali maniety pierastali ŭłazić, kupili dźvie blašanyja skarbonki: adnu mienšuju dla 1 rubla, druhuju bolšuju dla 2 rubloŭ, i praciahnuli źbirać užo paasobna», — dzielicca Andrej.
Kali i hetyja skarbonki zapoŭnilisia, žonka padaryła kalekcyjanieru draŭlany kuferak, u jaki pierakłali maniety pa 2 rubli, a maniety pa 1 rublu skłali ŭ trochlitrovy słoik.
Siamja z Bresta paŭtara hoda kidała ŭ słoik manietki. Jak dumajecie, kolki atrymałasia nazapasić?
Što ciapier razumniej — tracić ci aščadžać? Adkazvaje ekanamist
Abmieńnik-aŭtamat pamyłkova vydaŭ biełaruscy 155 rubloŭ manietami
Žychar Mahilova pradaje 20-kapieječnuju manietu za 480 rubloŭ. U čym jaje asablivaść?
Kamientary