U Chabaraŭskim krai vypaŭ ź dziaviataha paviercha čynoŭnik, jaki krytykavaŭ rasijskuju armiju
U rasijskim Chabaraŭskim krai znajšli miortvym supracoŭnika administracyi horada Nikałajeŭsk-na-Amury. Jon upaŭ ź dziaviataha paviercha, paviedamiła dziaržaŭnaje ahienctva TASS.
Pa słovach surazmoŭcy ahienctva, raniej čynoŭnik niehatyŭna vykazvaŭsia na adras rasijskich vajskoŭcaŭ, praz što staŭ fihurantam kryminalnaj spravy ab publičnych zaklikach da ekstremizmu. Jamu pahražała da piaci hadoŭ pazbaŭleńnia voli.
Pavodle źviestak telehram-kanała Mash, zahinuły — 44-hadovy Arciom Prymak. Da hetaha jon zapisaŭ videa z prabačeńniami. U kadry čynoŭnik, zapinajučysia i pierakručvajučy słovy, začytvaje pa papiery, što «zaklikaŭ u internecie da zabojstva rasijan, jakija ŭdzielničajuć u śpiecyjalnaj vajennaj apieracyi na terytoryi Ukrainy». Taksama Prymak zajaviŭ, što publikavaŭ adpaviednyja kamientary «pad upłyvam praŭkrainskich miedyjaresursaŭ».
Paviedamlajecca, što heta było ŭ 2023 hodzie, a jašče raniej, u mai 2022-ha, čynoŭnika sudzili «za demanstracyju svastyki ŭ sacsietkach» — tady jamu pryznačyli štraf u pamiery 1000 rubloŭ.
5 lutaha Raśfinmanitorynh unios Prymaka ŭ rejestr «terarystaŭ i ekstremistaŭ». Kanał taksama apublikavaŭ vytrymku ź nibyta pierapiski čynoŭnika ź blizkimi. Pavodle hetaj infarmacyi niezadoŭha da śmierci jon adpraviŭ im svajo fota i prasiŭ «zapomnić jaho takim».
5 lutaha niečym padobny vypadak adbyŭsia ŭ Sankt-Pieciarburhu, dzie trahična zahinuŭ 59-hadovy ŭralski bard Vadzim Strojkin. Jon vykinuŭsia z 10-ha paviercha ŭ toj čas, kali ŭ kvatery, u jakoj mužčyna žyŭ, pravodzili pieratrus pa pytańni nibyta zroblenych im danataŭ na Uzbrojenyja siły Ukrainy.
U kvateru Strojkina pryjšli šaściora siłavikoŭ z dvuma paniatymi, ale pieratrus skončyŭsia niečakana. Padčas jaho muzyka adprasiŭsia na kuchniu, kab vypić vady, i paśla hetaha žyvym jaho nie bačyli. Zatoje pad ścianoj 17-paviarchovika, u jakim jon žyŭ, znajšli miortvaje cieła.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ67
Kamientary
Lehšie dijati po putinśki: otrujiti novičkom, vikinuti ź vikna, zarizati v pidvorotni...