Praź Biełaruś Ukraina viarnuła vosiem dziaciej z akupavanych terytoryj
Ukrainski ambudsmien Dźmitryj Łubiniec paviedamiŭ pra viartańnie ŭ krainu dziaciej, jakija znachodzilisia na akupavanych Rasijaj terytoryjach.
Viarnuli vosiem dziaciej z Łuhanskaj, Zaparožskaj i Chiersonskaj abłaściej. Siarod ich — rodnyja braty i siostry.
«Usie dzieci byli raźjadnanyja sa svaimi rodnymi z-za vajny i akupacyi, niekatoryja stracili baćkoŭ», — napisaŭ Łubiniec.
Pasrednikam u abmienie pamiž rasijskim i ŭkrainskim bakami staŭ Katar. Ambudsmien nie ŭdakładniŭ, na jakoj terytoryi atrymałasia sustrecca ź dziećmi, ale na adnym z fotazdymkaŭ bačna hierb Dziaržaŭnaha pamiežnaha kamiteta Biełarusi.
U Rasiju paviarnulisia dźvie siastry, paviedamiła rasijskaja ambudsmien pa pravach dziaciej Maryja Lvova-Białova. Jana dadała, što dziaŭčynki sustrelisia z mamaj u ambasadzie Katara ŭ Minsku.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary
Dy i łakacyja, dzie adbyvaŭsia abmien, nu vielmi lohka paznajecca kožnym, chto choć raz bačyŭ kadry z abmienaŭ pałonnymi i da vajny jeździŭ praz Homiel va Ukrainu. Heta pamiežny pierachod "Novaja Huta" - mienavita biełaruski bok, tam, jašče z času nabyćcia niezaležnaści, usio ŭ bieł-čyrvona-biełych kolerach zbudavana. Z ukrainskaha boku tam "Novyja Jaryłavičy" - jany ŭ sinie-žoŭtych tanach azdoblenyja. Heta adziny pamiežpierachod pamiž Biełaruśsiu i Ukrainaj, dzie daroha nie pierakapanaja, i praź jaki adbyvajucca ŭsie abmieny z rasijcami (i vajennapałonnymi, i departavanymi cyvilnymi, i žycharami zaniataj ukraincami častki Kurskaj vobłaści, jakich ukraincy namahajucca addać rasii).