Rasijski tyktokier Azamat Ajtalijeŭ pryjechaŭ u Homiel, kab ździekavacca ź biazdomnaj žančyny

Padčas svajho čarhovaha vizitu ŭ Biełaruś Azamat Ajtalijeŭ, jaki lubić chadzić pa darahich restaranach i praviarać tam niervovuju sistemu administrataraŭ, naviedaŭ Homiel.

Raniej błohier užo kazaŭ, što šukaje kachańnie. Patrabavańniaŭ było nie vielmi šmat: jon šukaŭ pryhožuju, zdarovuju žančynu, jakaja b padzialała luboŭ Azamata da vandrovak i ŭsiudy supravadžała jaho.

Ciapier jon raspavioŭ, byccam znajšoŭ prydatnuju kandydaturu. U homielskim restaranie «Siabry» Ajtalijeŭ sustreŭsia ź inšym viadomym tyktokieram — Anatolem Rubakha Go, jaki pryvioŭ z saboj biazdomnuju žančynu Viktoryju.

Nahadajem: letaś Anatol, dziakujučy ŭdziełu ŭ jaho zdymkach Viktoryi, vyjhraŭ u konkursie rasijskaha błohiera aŭtamabil BMW M4. Chłopiec abiacaŭ, što pradaść pryz i nabudzie kvateru biazdomnaj žančynie. Ale pakul toje abiacańnie Anatol nie vykanaŭ.

Niadaŭna, kab pieramahčy ŭ tyktok-batle, błohier paabiacaŭ pahalić Viktoryju nahała. Padarunki adrazu pasypalisia, i Anatol pieramoh. A paśla advioŭ Viktoryju ŭ cyrulniu, dzie žančynie sastryhli vałasy pad nul. Na videa było bačna, nakolki joj niepryjemna va ŭsim hetym udzielničać, ale nikoha heta nie spyniła.

Ciapier ža chajpavać na biazdomnaj pačaŭ i Azamat Ajtalijeŭ, jaki staviŭsia da Viktoryi źniavažliva-iranična. Błohier niaśmiešna žartavaŭ, što doryć joj harščok, u jaki ŭ dziacinstvie «niešta rabiŭ».

— Bačycie, jakaja ŭ mianie pryhažunia, — rahataŭ rasijanin. — Błatnaja takaja.

@azamat.aitaliev.critique @Rubakha Go ♬ orihinalnyj zvuk - Azamat Aitaliev Critique

A dzień tamu Ajtalijeŭ vykład videa, jak byccam by ažaniŭsia ź Viktoryjaj. Na žančynu nadzieli biełuju sukienku i pinžak, nie zabylisia i pra fatu. Zapisali rolik pobač ź vialikim čyrvonym sercam.

Cyrymoniju pravodziŭ toj samy tyktokier Anatol.

— Kachańnie majo! — chichikaŭ Azamat, nieakuratna nadziavajučy žančynie piarścionak na palec. Prykryvajučysia fatoj, jon zrabiŭ vyhlad, byccam całuje niaviestu. — My budziem žyć doŭha!

Rolik nabraŭ 650 tysiač prahladaŭ i 29 tysiač łajkaŭ.

Kamientaryj, jaki nabraŭ kala 8 tysiač łajkaŭ, hučyć tak: «Na žal, Viktoryju vykarystoŭvajuć. Škada žančynu».

Padobnaje videa ŭ akaŭncie Rubakha Go nabrała za dzień 7 miljonaŭ prahladaŭ i 755 tysiač łajkaŭ. Tam šmat kamientaryjaŭ pryśviečany tamu, što Viktoryju škada i takich ździekaŭ jana nie zasłuhoŭvaje.

@evgenia.rusalenka #kučieriavyjiviktorija #viktorija #viktorijaiazamat #azamat #svad́baviktorii ♬ original sound - Red Woman

Inšyja błohiery ŭžo pačali zapisvać roliki ŭ padtrymku Viktoryi. Naprykład, tyktokierka pad nikam Red Women krytykuje toje, jakim čynam vyrašyli raskrucić treciuju staronku Azamata ŭ tyktoku.

— Videa vyhladaje ahidna. I nie tolki tamu, što Viktoryja — žančyna, ź jakoj prosta ździekujucca. Ale i tamu, što kučaravy chłopiec padaje prykład padrastajučamu pakaleńniu. Jon litaralna kaža: «Chłopcy, vy možacie znajści na vulicy bamža i rabić ź im kantent, zarablajučy tym samym hrošy».

• 1
• 7
• 3
• 17
• 2
• 4
• 43
• 0