Stała viadoma, kaho brytancy ličać vinavatym u svarcy Zialenskaha z Trampam
Mižnarodny instytut vyvučeńnia hramadskaj dumki YouGov spytaŭ u brytancaŭ, chto vinavaty ŭ biesprecedentnaj zvadcy ŭ Biełym domie pamiž Uładzimiram Zialenskim i Donaldam Trampam.
U apytańni pryniało ŭdzieł 4500 darosłych žycharoŭ krainy. Vyniki jaho byli apublikavany ŭ paniadziełak.
67 % respandentaŭ vykazali mierkavańnie, što asnoŭnaja vina lažyć na Trampie, u toj čas jak 7 % nazvali vinavatym Zialenskaha. Na dumku 12 % apytanych, abodva palityki ŭnieśli roŭny ŭkład u svarku, i tolki 1% paličyŭ, što nichto ź ich nie vinavaty. Astatnija respandenty zajavili, što nie čuli pra hetuju padzieju ci nie mohuć adkazać na pytańnie.
67% of Britons say Donald Trump was most to blame for the argument between him and Volodymyr Zelenskyy in the Oval Office last Friday
Trump to blame: 67%
Zelenskyy to blame: 7%
Both to blame: 12%
Neither to blame: 1% pic.twitter.com/CopmexVVeV
Raniejšaje apytańnie YouGov, praviedzienaje z 16 pa 17 lutaha zadoŭha da sprečki pamiž dvuma lidarami, pakazała, što tolki adzin ź piaci brytancaŭ (20%) ličyć, što padtrymka dobrych adnosin z ZŠA važniejšaja za padtrymku Ukrainy. Prykładna stolki ž apytanych (22%) adznačyli, što dobra staviacca da Donalda Trampa. Pra svajo drennaje staŭleńnie da prezidenta ZŠA zajavili amal try z čatyroch apytanych (73%).
U toj ža čas pra admoŭnaje staŭleńnie da Zialenskaha zajaviła 16% apytanych, a simpatyju da jaho vykazali amal dźvie traciny apytanych.
Kamientary