Pamior biełaruski kłarnietyst, piedahoh, zasłužany artyst Biełarusi Hienadź Zabara. Jamu było 72 hady. Pra śmierć viadomaha muzyki paviedamili jahonyja znajomyja ŭ sacsietkach.
Hienadź Zabara naradziŭsia 18 maja 1952 hoda ŭ vioscy Lenina Babrujskaha rajona.
U 1970 hodzie skončyŭ Minskaje muzyčnaje vučylišča imia Hlinki i da 1980 hoda pracavaŭ u im vykładčykam. U 1975 hodzie skončyŭ Muzyčna-piedahahičny instytut imia Hniesinych u Maskvie.
Z 1975 hoda pracavaŭ salistam Dziaržaŭnaha akademičnaha simfaničnaha arkiestra Biełarusi, z 1986 hoda — salistam-instrumientalistam i z 1994-ha — artystam-salistam, viadučy majstram sceny kancertna-hastrolnaha adździeła Biełaruskaj fiłarmonii. Adnačasova vykładaŭ u Biełaruskaj akademii muzyki.
Vykanaŭ u solnych kancertach biełaruskuju antałohiju kamiernaj muzyki dla kłarnieta z tvoraŭ kłasiki i sučasnych kampazitaraŭ, u tym liku.
«Kolki tysiač kiłamietraŭ hastrolnych daroh prajechali my razam z Vami — ad Biełarusi da Ispanii, a pa samoj Ispanii kolki! Ad Turcyi da Kitaja lotali pa płaniecie! A šmatlikija aŭdyjozapisy najskładaniejšaha avanharda — šviejcarskaha, niamieckaha, biełaruskaha, i roznaha postsavieckaha ŭ Šviejcaryi i Biełarusi, a samyja-samyja fiestyvali, jakoje mnostva fantastyčnaj avanhardnaj i kłasičnaj, i staradaŭniaj muzyki syhrali razam ź vielmi šanoŭnym starejšym kaleham», — napisaŭ u fejsbuku viadomy biełaruski fahatyst, dyryžor i muzykaznaŭca Alaksiej Frałoŭ.
Kamientary