Mer ukrainskaha Kanatopa abvinavaciŭ ułady Sumaŭ u arhanizacyi ŭznaharodžańnia vajskoŭcaŭ
«Heta niapraŭda, što tut ničoha nie było».
Haradski hałava Kanatopa Arciom Siemianichin abvinavaciŭ kiraŭnika Sumskaj vobłaści Uładzimira Arciucha ŭ arhanizacyi schodu vajennych 117 bryhady dla ŭznaharodžańnia ŭ centry Sum 13 krasavika, piša «Ukrainskaja praŭda».
«Jon (Arciuch. — zaŭv.) arhanizavaŭ siońnia tut uručeńnie hramat i miedaloŭ našym chłopcam-hierojam z 117 bryhady, užo ŭsie pra heta havorać. I heta niapraŭda, što tut ničoha nie było. Było. Dziakuj bohu, nichto z vajskoŭcaŭ nie paciarpieŭ, jany byli ŭsie ŭ chovancy.
Ale kacapy bili kasietkaj, kab było jak maha bolš achviar, i heta było naŭmysna, kab apraŭdać svaju terarystyčnuju ahresiju, što «tam ža vajskoŭcy sabralisia», — skazaŭ u videa ŭ fejsbuku Siemianichin.
Mer Kanatopa taksama zajaviŭ, što jamu viadoma ab adkryćci kryminalnaj vytvorčaści nie tolki pa fakcie rasijskaha rakietnaha ŭdaru, ale i vytvorčaści, kab vyśvietlić, chto rašyŭ pravodzić mierapryjemstvy schodu vajskoŭcaŭ u centry horada.
Jon taksama śćviardžaje, što staršynia SBU Vasil Maluk «trymaje hetaje pytańnie na asabistym kantroli».
Pavodle źviestak niekalkich surazmoŭcaŭ «Ukrainskaj praŭdy», znajomych ź situacyjaj, 13 krasavika ranicaj u centry Sum pavinna było adbycca ŭznaharodžańnie vajskoŭcaŭ 117 bryhady terytaryjalnaj abarony z nahody stvareńnia bryhady. Adzin z surazmoŭcaŭ asabista viedaŭ dvuch vajskoŭcaŭ 117, jakija ŭžo prybyli na miesca ŭznaharodžańnia i čakali jaho — hetyja ludzi nie paciarpieli.
U vyniku rasijskaha rakietnaha ŭdaru pa Sumach zahinuli 34 čałavieki, bolš za sotniu paranienych.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Maskali bjuć tolki pa mirniaku.
Ukraina ni ŭ čym nie vinavataja.
Ahresija rasiei ničym nie abhruntavana,
jany prosta ludažery.
Nie słuchajcie hetaha mera, słuchajcie Telemarafon.