Maładuju arhanizatarku viasiellaŭ asudzili za «raspalvańnie varožaści»
Pra sud nad Marynaj Łuc raniej nie paviedamlałasia. Na svabodzie čakaje mały syn.
Marynie Łuc 33 hady. Z 2014 hoda pa kaniec 2022 jana mieła ŭłasny biznes — zajmałasia arhanizacyjaŭ viasiellaŭ i inšych mierapryjemstvaŭ.
A z 2023 pierakvalifikavałasia ŭ UX/UI-dyzajniera, to bok, čałavieka, jaki prajektuje siervisy tak, kab imi było zručna karystacca. Pracavała jana ŭ asnoŭnym jak fryłansier.
Maryna vielmi lubić vandravać. Razam z małym synam jany časta padarožničali pa roznych krainach Jeŭropy, asabliva lubili jeździć na Bałtyjskaje mora.
Nieviadoma dakładna, kali Marynu zatrymali, ale ŭ sacsietkach jana ŭ apošni raz była ŭ siaredzinie kastryčnika 2024 hoda. U telehramie jana nie anłajn «vielmi daŭno».
Marynu asudzili pa pieršaj častcy 130 artykuła KK — «raspalvańnie varožaści ci varažniečy». Zvyčajna heta kamientary ŭ internecie.
U śpisu «ekstremistaŭ» u jaje staić paznaka «adbyvaje pakarańnie» — heta značyć, jana atrymała albo chimiju z nakiravańniem, albo kałoniju. Adnak miarkujučy pa tym, što paśla suda jana nidzie nie źjaviłasia anłajn, chutčej za ŭsio, Marynie Łuc prysudzili kałoniju.
«Naša Niva» — bastyjon biełaruščyny
PADTRYMAĆ
Kamientary