Piatkievič: Kiniematohraf u jaho ciapierašnim stanie nam nie patrebny
Vice-premjer kanstatavała, što apošnim časam niama hučnych premjer ad «Biełaruśfilma», karcin, jakija abmiarkoŭvali b hledačy.
Ajčynny kiniematohraf u jaho ciapierašnim stanie krainie nie patrebny, ale jość nadzieja, što moładź jaho adrodzić. Pra heta zajaviła žurnalistam vice-premjer Natalla Piatkievič pa vynikach narady ŭ Łukašenki pa pytańniach raźvićcia nacyjanalnaha kiniematohrafa, piša BiełTA.
Jana adznačyła, što razmova była žorstkaja, ale sumlennaja i spraviadlivaja. «Bo stolki, kolki Łukašenka nadaje ŭvahi i kino, i naohuł mastactvu, jaho raźvićciu ŭ našaj krainie, kolki srodkaŭ u heta ŭkładziena na praciahu dziesiacihodździaŭ… davajcie budziem ščyryja — adpaviednaj addačy niama», — skazała Natalla Piatkievič.
Jana kanstatavała, što apošnim časam niama hučnych premjer ad «Biełaruśfilma», karcin, jakija abmiarkoŭvali b hledačy. Uspaminajucca ŭ asnoŭnym tolki kinastužki minułych hadoŭ. Choć dla padtrymki ajčynnaha kiniematohrafa z boku dziaržavy robicca vielmi šmat, pačynajučy ad finansavańnia i zakančvajučy pravavoj padtrymkaj.
«Takaja razmova naśpieła daŭno. Vielmi škada, viadoma, što pryjšłosia jaje vynosić na ŭzrovień Łukašenki. U tym stanie, u jakim zaraz kino, pa vialikim rachunku, jano nam nie treba. Bo my jaho nie bačym. Jaho niama pa sutnaści. Ale jość vielmi vialikija nadziei, što novaje kiraŭnictva (niadaŭna pryznačany novy kiraŭnik kinastudyi «Biełaruśfilm»), novy ministr kultury, jaki viedaje i razumieje kino… U ich jość žadańnie štości rabić. Vielmi chočacca, kab my ŭsie, hramadzianie Biełarusi, atrymali naša, biełaruskaje kino», — padkreśliła vice-premjer.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała18
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary