Nielehały? «Naša Niva» papała pad krytyku levych aktyvistaŭ za vykarystańnie vyrazu «nielehalnyja mihranty»
U suviazi z hetym, kali łaska, vykažyciesia ŭ apytancy pad artykułam, ci varta admovicca ad vykarystańnia takoha vyrazu.
Adrazu zaŭvažym, što vyraz «nielehalnyja mihranty», «nielehały» ŭžyvajuć nie tolki «Naša Niva», ale i inšyja ŚMI, siarod jakich «Lusterka» i Bi-Bi-Si.
Levaja aktyvistka i pravaabaronca Maryna Kasinierava nas za heta raskrytykavała.
«U mianie ŭžo niama siłaŭ bačyć brydkuju ksienafobiju ŭ dačynieńni da ŭraźlivych hrup u miedyja, jakija pavinny prasoŭvać demakratyčnyja kaštoŭnaści (bo aŭtarytaryzmu najelisia nibyta?). Na fonie pratestaŭ u Amierycy kožny artykuł NN pra hety padziei supravadžajecca rytorykaj Trampa: «nielehały» i «nielehalnyja mihranty, — asudžaje Kasinierava. — Jakimi standartami ŭ žurnalistycy kirujecca NN, kali piša pra ŭraźlivyja hrupy? — pytajecca jana ŭ fejsbuku i dadaje. — Kali normaj źjaŭlajecca rasčałaviečvańnie inšych, to ksienafobija na ŭsich uzroŭniach budzie kvitnieć i pachnuć».
Jaje padtrymali chimik Siarhiej Biesarab, fiłosafka Volha Šparaha i fatohrafka Julija Daraškievič.
Muzyčny krytyk, piśmieńnica i žurnalistka Taćciana Zamiroŭskaja piša ŭ kamientarach u fejsbuku: «Vielmi sumna. Padčas pracy redaktaram sacsietak «Hołasu Amieryki» ja natreniravała ŭsiu redakcyju ŭrešcie NIKOLI nie vykarystoŭvać słoŭ «nielehały» i «nielehalnyja mihranty», bo heta rasčałaviečvańnie i pieranos jurydyčnych akaličnaściaŭ na asobu jak adziny jaje vyznačalnik, i prapanavała vakabular inšych słoŭ — «mihranty, što nielehalna pierajšli miažu», «mihranty, što nielehalna pracujuć», «mihranty, znachodžańnie jakich u ZŠA ličycca ŭładami nielehalnym», to bok, prymietnik hety možna prystasoŭvać da abjektu ci da dziejańnia, ale nie da žyvoha čałavieka. Usie spracavała, nikoli my takoha nie pisali. Nu, i nas urešcie začynili, karaciej)))»
Nie ŭsie takoje mierkavańnie padzialajuć. Fiłosaf Piotra Rudkoŭski piarečyć: «Nielehalnyja imihranty», anałahična jak «bieźbiletniki», «biazdomnyja», «biespracoŭnyja» i h.d. — heta apisalnyja katehoryi, razhornutaja forma jakich była «Asoby, jakija nielehalna pierasiekli dziaržaŭnuju miažu», «Asoby, jakija jeździać publičnym transpartam bieź bileta». U kahoś takija vyrazy mohuć vyklikać admoŭnyja asacyjacyi, u inšych — nie. Toje, jakija asacyjacyi ŭ kaho vyklikaje, zaležyć ad ustanovak i emacyjnaha stanu čytača/słuchača». Rudkoŭski uzhadaŭ taksama svaju daŭniuju palemiku z pravaabaroncami z Human Constanta na hetuju temu.
«Słova «złačyniec» u dačynieńni da taho, chto ŭčyniŭ złačynstva — mova varožaści?» — iranizuje inšy kamientatar.
Što da nas, to «Naša Niva» ŭžyvaje vyraz «nielehalnyja mihranty», tamu što jon jasny i jomista akreślivaje tych mihrantaŭ, jakija prybyli ŭ tuju ci inšuju krainu bieź nieabchodnych dla taho dakumientaŭ — biez anijakaha namieru kahości źniavažyć.
Na našu dumku, vyrazy kštałtu «mihranty, znachodžańnie jakich ličycca ŭładami nielehalnym» zadoŭhija i niedarečnyja.
Ale my chacieli b spytacca vašaha mierkavańnia. Jak vy, čytačy, miarkujecie, ci varta zabaranić vyraz «nielehalnyja mihranty»? Prahałasujcie, kali łaska, u apytancy pad artykułam.
Apytanka
«Naša Niva» i jaje pazicyja ŭ procistajańni libierałaŭ i kansiervataraŭ
«Usie my budziem žyć horš, biadniej, z adkatam na 30-40 hadoŭ nazad». Jak śviet niezvarotna idzie da zusim inšaj realnaści
Łukašenka patłumačyŭ, čamu jaho nie vidać pa sieradach i subotach
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Kamientary
Aktyvistaŭ roznych koleraŭ i stupieni levaty šmat, a my pavinny nazyvać rečy svaimi imionami. Nie prosta "nielehalnyja mihranty", a "złačynnaja zbroja ŭ rukoch fašystoŭskaj chunty Biełarusi i Rasiei". Nie źviartajem uvahi na plaskunoŭ jazykami!