U Lidzie pamior 71-hadovy mužčyna. Jaho syn, zborščyk podpisaŭ za Capkału, kaža, što baćku zakatavali da śmierci. Ci tak heta?
«Baćku biełaruskaha apazicyjaniera da śmierci zakatavali paralelna z vyzvaleńniem Cichanoŭskaha!» — takuju navinu siońnia apublikavali niekalki rasijskich telehram-kanałaŭ. Adnak da abstavin hetaj śmierci jość pytańni.
Što viadoma? Aktyvist Piotr Łysak raskazaŭ «Socie» — rasijskamu prajektu, jaki finansujecca aliharcham-emihrantam Leanidam Nieŭźlinym — pra śmierć svajho 71-hadovaha baćki.
Piotr Łysak-starejšy pamior 24 červienia 2025 hoda. Pierad hetym jon trapiŭ u balnicu z apalenaj rukoj i vybitym vokam. Daktaram jon paviedamiŭ, što pajšoŭ hulać u park, zabłukaŭ, viartaŭsia na elektryčcy, jakaja chodzić za 10 kiłamietraŭ ad jaho doma. Pa słovach syna, u apošnija hady Łysak-starejšy ź ciažkaściu pierasoŭvaŭsia praz prablemy z tazaściehnavym sustavam.
«Pažyły mužčyna byŭ znojdzieny ŭ siabie ŭ kvatery, adkul i špitalizavany», — piša «Sota».
Jak dadaje «Sota», syn ličyć, što traŭmy — heta ślady niejkich katavańniaŭ, a baćka nibyta nie zajaŭlaŭ u milicyju pra napad na jaho praz pahrozy ŭ adras blizkich jamu ludziej.
Kanał publikuje paśviedčańnie ab śmierci mužčyny i jaho fota, dzie bačnyja mocna apalenaja ruka i vybitaje voka. Što adbyłosia z pažyłym mužčynam — nieviadoma. Adnak nijakich dokazaŭ ni jaho zatrymańnia, ni taho, što traŭmy — heta ślady katavańniaŭ siłavikami, — taksama nie pryvodzicca. Tolki słovy syna i jaho viersija.
U paśviedčańni ab śmierci staić kod R99. Jon stavicca ŭ situacyi, kali na momant uskryćcia pryčyna śmierci nie zrazumiełaja abo vyklikaje sumnievy. I doktaru, kab vyznačyć jaje dakładna, patrebnyja dadatkovyja daśledavańni.
Navinu pra śmierć Łysaka-starejšaha apublikavaŭ taksama papularny telehram kanał Ateo Breaking — pad zahałoŭkam «Baćku biełaruskaha apazicyjaniera da śmierci zakatavali ŭ turmie». Znoŭ ža — niama nijakich śviedčańniaŭ, što mužčyna byŭ za kratami (jaho syn pra heta taksama nie zhadvaŭ).
Chto taki Piotr Łysak-małodšy? Sam jon raskazvaŭ, što ŭ 2020-m byŭ členam inicyjatyŭnaj hrupy Valeryja Capkały, taksama ŭdzielničaŭ u pracy štaba Śviatłany Cichanoŭskaj. Paźniej jon staŭ rašučym krytykam Cichanoŭskaj.
U žniŭni 2021 hoda jon pierabraŭsia va Ukrainu. Niejki čas žyŭ tam u błohiera-kanśpirołaha Vitala «Virusa» Kandracienki i časam vioŭ efiry na jaho kanale. U lipieni 2022 hoda, pa słovach Łysaka, atrymaŭ biežanstva va Ukrainie.
Kali KDB pryznaŭ błoh «Virusa» ekstremisckim farmavańniem, to paznačyŭ u jakaści datyčnych da jaho samoha Kandracienku, a taksama Łysaka-małodšaha.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary