Paźniak pierajšoŭ da abrazaŭ Cichanoŭskaha: «Istota tarabanić uvieś čas»
Vieteran biełaruskaha ruchu Zianon Paźniak adreahavaŭ na post u fejsbuku, jaki napisała Śviatłana Mackievič, byłaja žonka palitviaźnia Uładzimira Mackieviča. U im jana krytykuje vykazvańnie hałoŭnaha daradcy Śviatłany Cichanoŭskaj Franaka Viačorki, začapiŭšysia za jahonaje vykazvańnie, što «naša pazicyja pa vyzvaleńni palitviaźniaŭ zastajecca niaźmiennaj».
Paźniak u peŭny momant dałučyŭsia da dyskusii ŭ kamientarach, a abjektam jahonaj ataki staŭ niadaŭna vyzvaleny palitviazień Siarhiej Cichanoŭski, jakoha jon nazvaŭ «istotaj»:
«Pavažanaja spadarynia Śviatłana, u hetym draństvie, jakoje vy nazirajecie, słovy Franaka — heta rytoryka dla hrantaŭ, a voś pavodziny inšaj istoty mohuć być bolš škodnyja. A słovy byli takija: «Amierykancy prasili miesiac być pacišej, bo iduć pracesy vyzvaleńnia astatnich viaźniaŭ». Za hety čas istota tarabanić uvieś čas, navat skazała, što Łukašenku budzie sadzić na koł. Vy razumiejecie, jakaja tut padačka dla Łukašenki. Amierykanskaja dypłamatyja, chutčej za ŭsio, voźmie paŭzu. Viaźni buduć siadzieć».
Repliku Paźniaka padtrymali łajkami jak Śviatłana Mackievič, tak i sakratar Kaardynacyjnaj rady i adzin z kiraŭnikoŭ štaba Viktara Babaryki Ivan Kraŭcoŭ.
Paźniak asudziŭ Cichanoŭskaha: Siedziačy piać hadoŭ, možna było da biełaruskaj movy źviarnucca
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
Ivan Kraŭcoŭ: Zajavy Cichanoŭskaj vyhladajuć kryvadušnymi
«My pracujem, kab vyzvaleńni stali sistemnymi, a nie sparadyčnymi». Viačorka adkazaŭ Kraŭcovu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary