Hihancki ajśbierh pahražaje žycharam vioski ŭ Hrenłandyi. Jaho foty zavarožvajuć
Žychary nievialikaj vioski Inaarsuit, što na zachodnim uźbiarežžy Hrenłandyi, pračnulisia i ŭbačyli pierad saboj vielizarny ajśbierh. Ledzianaja masa raskałołasia na dźvie častki i ciapier visić litaralna za niekalki mietraŭ ad rybapierapracoŭčaha zavoda i praduktovaj kramy.
Nievialikaja vioska Inaarsuit, što znachodzicca na zachadzie Hrenłandyi, apynułasia pad pahrozaj z-za vielizarnaha ajśbierha, jaki niebiaśpiečna nabliziŭsia da bieraha — litaralna da damoŭ miascovych žycharoŭ.
Ledzianaja masa ŭžo niekalki dzion zastajecca na tym ža miescy, nie ruchajučysia, što vielmi nietypova dla padobnych ajśbierhaŭ. Heta vyklikała chvalavańnie siarod nasielnictva i prymusiła miascovyja ŭłady vydać aficyjnaje papiaredžańnie.
Pavodle pradstaŭnikoŭ uładaŭ, u vypadku sutyknieńnia ź bieraham abo razbureńnia ajśbierha, mahčymyja mocnyja razbureńni.
Słužby rajać žycharam nie źbiracca la kramy i być aściarožnymi, asabliva ludziam z abmiežavanymi mahčymaściami.
Ajśbierh užo pryvioŭ da zakryćcia fabryki i miascovaj kramy.
Heta nie pieršy padobny vypadak u Inaarsuicie. U 2018 hodzie siudy taksama zajšoŭ vielizarny ajśbierh, vaha jakoha składała kala 11 miljonaŭ ton, i jon byŭ bačny navat z kosmasu. Tady žycharoŭ ź niebiaśpiečnych zon evakujavali. Ajśbierh 2018 hoda ŭ rešcie rešt adpłyŭ.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary