Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili
Niadaŭna minski restaran Marumi na praśpiekcie Niezaležnaści, 18, aktyŭna krytykavali ŭ internecie: byccam by paśla naviedvańnia ŭstanovy ŭ haściej naziralisia prykmiety atručvańnia, pišuć Minsk-naviny.
Z 18 pa 23 lipienia na tematyčnych internet-servisach pačali źjaŭlacca niehatyŭnyja vodhuki ad naviedvalnikaŭ. Usie skardzilisia na dyjareju, tempieraturu i młosnaść:
«Była ŭ piatnicu, usio spadabałasia, ale ŭ subotu pačałosia mocnaje atručeńnie. Lažu ŭ balnicy, tut skazali, što ŭ ich ja ŭžo šosty čałaviek z Marumi z atručeńniem za apošni čas. Pravierciesia, siabry»;
«Chočam paćvierdzić vodhuk nižej. Abiedali ŭ restaranie 19.07, i na nastupny dzień atrymali «pakiet ščaścia». U dziaŭčyny padniałasia tempieratura da 39 i bolš za sutki nie apuskałasia nižej za 38,3, u mianie lahčej, ale taksama ŭ piku — 38. Vielmi młosna i prablemy sa stułam, ciapier, praz 3 dni, tempieratura spała, ale prablemy z straŭnikam zachoŭvajucca…»;
«U subotu, 19 lipienia, naviedali dadzienuju ŭstanovu, u zamovie byli pasty z krevietkami i kurycaj, sašymi, aboje źlahli z atručeńniem, tempieratura pad 40 i ŭsie spadarožnyja simptomy, čaćviorty dzień stan adpaviedny, dziakuj, smačna!»;
«17 lipienia naviedali ź siabroŭkami vaš restaran. Usie troje atrymali atručeńnie z tempieraturaj 39».
Taksama ŭ sietcy źjaviłasia infarmacyja pra zakryćcio restarana pa techničnych pryčynach, adnak na sajcie ŭstanovy pra heta ničoha nie skazana.
Tym nie mienš u Minskim haradskim centry hihijeny i epidemijałohii čutki paćvierdzili:
— U suviazi z pastupleńniem zvarotaŭ hramadzian na jakaść charčavańnia, śpiecyjalistami sanitarna-epidemijałahičnaj słužby praviedziena acenka vykanańnia patrabavańniaŭ sanitarna-epidemijałahičnaha zakanadaŭstva na zhadanym abjekcie hramadskaha charčavańnia. Jaho dziejnaść prypyniena z 21 lipienia z-za vyjaŭlenych parušeńniaŭ.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm18
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3434
Kamientary