Tramp pałochaje Maskvu atamnymi padłodkami — ekśpierty bajacca novaha Karybskaha kryzisu
Prezident ZŠA abviaściŭ pra pierakidku dźviuch atamnych padvodnych łodak u rajony, blizkija da Rasii. Heta adkaz na niadaŭnija pahrozy byłoha prezidenta Rasii Dźmitryja Miadźviedzieva, jaki nazvaŭ ultymatum Trampa pa Ukrainie «krokam da vajny».
Na svajoj płatformie Truth Social Tramp napisaŭ, što adkazvaje na «nadzvyčaj pravakacyjnyja» słovy Miadźviedzieva.
Hety krok analityki ŭspryniali jak pavarot Trampa ad raniejšaha zbližeńnia z Kramlom. Jašče na starcie svajho prezidenckaha terminu jon nazyvaŭ Uładzimira Pucina «dobrym siabram», ciapier ža jaho rytoryka nahadvaje časy chałodnaj vajny.
«Miadźviedzieŭ kožnyja niekalki miesiacaŭ pahražaje razburyć amierykanskija harady, a my pastajanna heta ihnarujem, tamu reakcyja Trampa — heta daŭno čakanaje źmianieńnie. Siońnia i ŭ ZŠA, i ŭ Rasii jość atamnyja padvodnyja łodki, raźmieščanyja niedaloka ad miežaŭ adna adnoj. Bolš važnym źjaŭlajecca novy ton Trampa ŭ reahavańni na pahrozy», — zajaviŭ u razmovie z Bild amierykanski ekśpiert pa źniešniaj palitycy Džonatan Krystał.
U toj ža čas były supracoŭnik Pientahona Džym Taŭnsend u intervju Wall Street Journal zajaviŭ, što «pieramiaščeńnie padvodnych łodak, biezumoŭna, paharšaje situacyju».
Śpiecyjalisty pa jadziernaj biaśpiecy bajacca, što ŭ takoj napružanaj abstanoŭcy navat vypadkovaja pamyłka moža pryvieści da katastrofy. Doktar Alena Piatrova z Atlantic Institute nazvała heta «vielmi niebiaśpiečnym momantam».
«Kali havorka idzie ab atamnaj zbroi, słovy mohuć mieć realnyja nastupstvy», — dadała jana.
U adkaz na bałbatniu Miadźviedzieva Tramp zahadaŭ pieramiaścić jadziernyja padvodnyja łodki
Džo Bajden skazaŭ pra ciomnyja časy, jakija pahražajuć Amierycy z-za Trampa
Miadźviedzieŭ pryhraziŭ ZŠA vajnoj paśla taho, jak Tramp skaraciŭ termin ultymatumu Pucinu
Tramp nazvaŭ Miadźviedzieva «byłym prezidentam-niaŭdačnikam» i paraiŭ sačyć za słovami
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary
_______ na zarpłacie ŭ maskvy