Džo Bajden skazaŭ pra ciomnyja časy, jakija pahražajuć Amierycy z-za Trampa
Były prezident ZŠA Džo Bajden zajaviŭ padčas svajho vystupleńnia, što kraina ŭvachodzić u «ciomnyja časy» z-za palityki dziejnaha kiraŭnika dziaržavy Donalda Trampa. Jon skazaŭ pra heta na jurydyčnaj kanfierencyi ŭ Čykaha, paviedamlaje CNN.
Džo Bajden padkreśliŭ, što zaraz Amieryka znachodzicca pad vialikim ciskam, a vina za heta lažyć na «tym, chto ciapier zajmaje prezidenckuju pasadu» — pry hetym jon ni razu nie nazvaŭ Trampa pa imieni.
Pa słovach Bajdena, sudy, zakon i Kanstytucyja — heta kaštoŭnaści, jakija majuć značeńnie, i jany ciapier, na jahonuju dumku, pad pahrozaj. Jon taksama adznačyŭ, što hanarycca tym, što pryznačaŭ niezaležnych i spraviadlivych sudździaŭ, ale ličyć, što vykanaŭčaja ŭłada siońnia dziejničaje tak, byccam choča razburyć Kanstytucyju.
Bajden padsumavaŭ svaje razvažańni:
«Heta ciomnyja časy. Naša budučynia — pad pahrozaj».
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej24
Kamientary