Biełaruskaja śpiavačka Ryta Dakota atrymała rasijskaje hramadzianstva paśla ŭvarvańnia Rasii va Ukrainu
Ryta Dakota atrymała hramadzianstva Rasii, ale chavaje heta. «Śpiavačka, što źjechała ŭ ZŠA, pazicyjanuje siabie vyklučna jak hramadzianka Biełarusi», narakaje rasijski kanał SHOT.
Pavodle źviestak kanała, 35-hadovaja Marharyta Hierasimovič (sapraŭdnaje imia śpiavački) atrymała rasijski pašpart 22 śniežnia 2022 hoda, to-bok paśla rasijskaha ŭvarvańnia va Ukrainu.
U lipieni 2023-ha jana pieraaformiła pašpart RF paśla šlubu, źmianiŭšy proźvišča na Biełahaj.
Śpiavačka pierajechała ŭ ZŠA ŭ 2023 hodzie, dzie «praciahnuła pazicyjanavać siabie jak biełaruska», piša kanał.
Niadaŭna Dakota paviedamiła svaim prychilnikam, što jaje karjera muzykanta ŭ Rasii zavieršanaja: jak śćviardžaje śpiavačka, joj zabaranili vystupać u RF. «Ja straciła sens žyćcia», — napisała śpiavačka.
U 2020-m Ryta Dakota padtrymała biełaruskich pratestoŭcaŭ.
Nie pramaŭčała jana i ŭ lutym 2022-ha: «Usio, što adbyvajecca siońnia — jo****ie dno, nivodny razumny čałaviek na śviecie nie padtrymaje vajny. U vajnie niama pieramožcaŭ, u vajnie prajhrajuć usie. My braty, nie davajcie palityčnym hulniam źmianić heta». Hety post u jaje ciapier vydaleny.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary