Pavodle padlikaŭ Instytuta mižnarodnych palityčnych daśledavańniaŭ (ISPI), da červienia płošča terytoryj va Ukrainie, pakrytych minami i inšymi vybuchovaniebiaśpiečnymi pradmietami, dasiahnuła 139 tys. km² — heta bolš za pamier Anhlii (130 tys. km²), piša The Moscow Times.
U niebiaśpiečnych rajonach i pobač ź imi žyvie bolš za 6 miljonaŭ čałaviek. Asabliva paciarpieli sielskahaspadarčyja ziemli ŭ Charkaŭskaj, Sumskaj i Zaparožskaj abłaściach.
Z pačatku poŭnamaštabnaha ŭvarvańnia Rasii ad vybuchaŭ min zahinuli 359 mirnych žycharoŭ, u tym liku 18 dziaciej, jašče amal tysiača atrymała ranieńni, paviedamiła Dziaržaŭnaja słužba pa nadzvyčajnych situacyjach Ukrainy.
Pradstaŭnik prahramy AAN pa raźminiravańni Poł Chiesłap adznačyŭ, što vybuchovaniebiaśpiečnymi pradmietami pakryta amal 25% terytoryi krainy, heta bolš za 1 miljon adzinak bojeprypasaŭ.
Asablivuju pahrozu ŭjaŭlajuć supraćpiachotnyja i supraćtankavyja miny z 5—10 kh vybuchoŭki, a taksama bojeprypasy, jakija skidvajucca z dronaŭ. Heta značna ŭskładniaje pracu sapioraŭ i pavyšaje ryzyku dla nasielnictva.
Žychary paciarpiełych rehijonaŭ kažuć, što niebiaśpieka stanovicca zvyčajnaj spravaj. «Miny ciapier paŭsiul, i ludzi časam užo pierastajuć paviedamlać pra znachodki», — adznačyła žycharka Šostki Sumskaj vobłaści i śpiecyjalistka pa vybuchoŭcy Lizavieta Kisieleva.
Ukraina z 2023 hoda ličycca adnoj z samych zaminiravanych krain śvietu. Niadaŭna jana razam z Polščaj, Litvoj, Łatvijaj, Estonijaj i Finlandyjaj abviaściła pra vychad z Ataŭskaj kanviencyi ab zabaronie supraćpiachotnych min, patłumačyŭšy heta patrebaj umacavańnia abarony. Ułady pry hetym padkreślivajuć, što humanitarnaje raźminiravańnie zastajecca pryjarytetam.
Pavodle acenak Minpryrody, na raźminiravańnie pryjarytetnych terytoryj paśla vajny spatrebicca kala 10 hadoŭ i $38 miljardaŭ, a poŭnaja ačystka krainy moža raściahnucca na stahodździ.
Jak vyhladaje samaja daskanałaja linija abarony ŭ Jeŭropie, jakuju Polšča buduje na miažy ź Biełaruśsiu
Ukraina vychodzić z damovy ab zabaronie supraćpiachotnych min
«Novaja žaleznaja zasłona». NATA zaminiruje ŭsiu uschodniuju miažu ad Finlandyi da Polščy
Litva śledam za Polščaj płanuje zaminiravać miažu ź Biełaruśsiu i Rasijaj
U Minabarony Polščy nie vyklučyli miniravańnia miažy ź Biełaruśsiu
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Abo pra zaminiravanyja pali ŭ Vjetnamie.
Heta jašče adno zło vajny, padobnaje da Čarnobylu ŭ Biełarusi. Vajna kaliści skončycca, a ziemli niepryhodnyja zastanucca nadoŭha. Psichałohija tupoha źviera: što nie źjeŭ (nie zachapiŭ), toje abhadziŭ.