Biełaruskija sanatoryi raskuplajuć za paŭhoda, ceny na vosień vyraśli
Popyt na sanatoryi Biełarusi hetaj vosieńniu vyras na 10—15% u paraŭnańni ź minułym hodam, śviedčać najbujniejšyja turapieratary ŭ Rasii. Pryčym samyja papularnyja zdraŭnicy branirujucca za paŭhoda i bolej: pieršyja pucioŭki na vosień 2025 hoda pačali raskuplać jašče ŭ studzieni, zaŭvažyła BGmedia.
Pavodle rasijskich turapierataraŭ, na vierasień svabodnych numaroŭ u topavych sanatoryjach užo amal niama. Možna znajści varyjanty na druhuju pałovu kastryčnika i listapad.
Zaraz dastupnyja miescy ŭ papularnych zdraŭnicach nakštałt «Viesty», «Pryaziornaha», «Sosien» i «Biełarusački». Ale i tut turapieratary rajać nie adkładać pakupku — na mnohija abjekty prodaž užo adkryty na 2026 hod.
Najbolšym popytam karystajucca sanatoryi siaredniaha ŭzroŭniu — 65% usich braniravańniaŭ. Troški radziej turysty vybirajuć elitnyja varyjanty (20%) i biudžetnyja abjekty (15%).
Cikava, što siaredniaja praciahłaść zajezdu vyrasła da 11 dzion suprać dzieviaci ŭ minułym hodzie.
Kolki kaštujuć pucioŭki
Košty na adpačynak u biełaruskich zdraŭnicach padraśli. U siarednim taryfy pavialičylisia na 10—15%, a ŭ premijalnych abjektach — da 22%. Ceny dla zamiežnych turystaŭ krychu inšyja, čym dla biełarusaŭ:
biudžetnyja sanatoryi — kala 107 rub. u sutki ź lačeńniem;
siaredni siehmient — ad 140 rub. u dzień;
vysoki ŭzrovień — prykładna 328 rub. za sutki.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary