Źjaviŭsia rejtynh samych mocnych i samych słabych suśvietnych pašpartoŭ. Biełaruski ŭ siaredzinie
Tradycyjny štohadovy rejtynh samych «mocnych» pašpartoŭ śvietu pradstaviła kampanija Henley & Partners. Jana hruntavałasia na danych Mižnarodnaj asacyjacyi pavietranaha transpartu.
Lidaram rejtynhu, jak i ŭ minułym hodzie, staŭ Sinhapur — jaho hramadzianie mohuć pajechać u 193 krainy z 227 bieź vizy.
Na druhim miescy Paŭdniovaja Kareja — jaje hramadzianam dastupnyja 190 biaźvizavych napramkaŭ, a na trecim — Japonija sa 189 napramkami.
Dalej iduć adrazu piać jeŭrapiejskich krain — Hiermanija, Italija, Luksiemburh, Ispanija i Šviejcaryja — u ich pa 188 biaźvizavych krain.
Susiedzi Biełarusi, jakija ŭvachodziać u Jeŭrasajuz, vyhladajuć na ahulnym fonie vielmi dobra: z pašpartam Polščy dastupnyja 185 krain, z pašpartam Łatvii — 182, z pašpartam Litvy — 181. Z ukrainskim možna jechać u 144, a z rasijskim — u 114.
Ź biełaruskim pašpartam bieź vizy možna jechać tolki ŭ 80 krain, stolki ž sama mižuradavych damoŭ pra biaźviz maje Tajłand.
Zrešty, u paraŭnańni z aŭtsaŭdarami ŭ śpisie heta taksama niabłaha.
Najhoršym sioleta taksama tradycyjna akazaŭsia Afhanistan — jaho hramadzianie mohuć pajechać bieź vizy ŭsiaho ŭ 24 krainy. Siryjcam dastupnyja 26, a hramadzianam Iraka — 29 kirunkaŭ. Pakistancaŭ, jakich źbirajucca masava zaprašać biełaruskija ŭłady, bieź vizaŭ hatovyja prymać tolki 33 krainy, taki ž pakazčyk i ŭ achoplenaha hramadzianskaj vajnoj Jemiena.
U Šenhienskaj zonie pačała dziejničać novaja sistema, jakaja całkam mianiaje paradak pierasiačeńnia miežaŭ
MZS: Biaźviz z Łaosam jašče nie pracuje
Kudy biełarusy mohuć latać bieź vizy i bieź pierasadak?
Rasijanie, nabližanyja da Kramla, sotniami atrymlivajuć sierbskija pašparty, jakija dajuć biaźviz u Jeŭrasajuz
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary
[Zredahavana]
Vydatnaja praca Łuki pa zapryhońvańniu ludziej.