U Biełarusi na adnu dastaŭku pirahoŭ stanie bolš. U našu krainu pryjšła papularnaja rasijskaja franšyza «Mašańkiny pirahi». Jak vyśvietliŭ Office Life, pieršaja piakarnia brendu adkryjecca ŭ Minsku.
Historyja brendu «Mašańkiny pirahi» pačałasia ŭ 2017 hodzie. Jaho zasnavaŭ rasijski pradprymalnik Ivan Jemialjanaŭ z Chabaraŭska razam z žonkaj. Para vyrašyła adkryć svaju dastaŭku pirahoŭ paśla padarožža pa śviecie. Sietku nazvali ŭ honar svajoj dački Mašy. Pavodle kancepcyi, maleńkaja dziaŭčynka padarožničaje pa śviecie i pryvozić z kožnaj krainy tradycyjny dla jaje piroh.
Ciapier sietka «Mašańkiny pirahi» pradstaŭlena ŭ 50 haradach, u tym liku ŭ Rasii, Kazachstanie i Azierbajdžanie. U asnoŭnym jana raźvivajecca pa frančajzinhavaj madeli.
Kampanija prapanuje franšyzu ŭ dvuch farmatach. U pieršym pirahi hatujuć u adnym z čatyroch rasijskich cechaŭ, paśla čaho ŭ zamarožanym vyhladzie pieradajuć u harady-partniory, dzie ich razahravajuć u piečy i dastaŭlajuć kančatkovamu spažyŭcu.
Druhi farmat — adkryćcio paŭnavartasnaj piakarni z usim nieabchodnym abstalavańniem dla vytvorčaści pirahoŭ.
U 2024 hodzie sietka ŭvajšła ŭ rejtynh 30 samych vyhadnych franšyz u Rasii pavodle Forbes, dzie zaniała 5‑ie miesca ŭ katehoryi inviestycyj u adkryćcio frančajzinhavaj kropki ad 2 da 5 młn rasijskich rubloŭ.
U Biełarusi piakarniu sietki budzie raźvivać kampanija «Mašańkiny pirahi biełfran». Jana była stvorana ŭ kancy vieraśnia ŭ Minsku.
U pačatku kastryčnika rasijskaja kampanija-frančajzier sietki z Sankt-Pieciarburha «Mašańkiny pirahi Frančajzinh» padała zajaŭku ŭ Nacyjanalny centr intelektualnaj ułasnaści na rehistracyju svajho tavarnaha znaka.
Na našym rynku kampanija prapanuje 17 piasočnych pirahoŭ z «sytnaj» načynkaj, 15 sałodkich i try nabory tartaletak. U siarednim košt adnaho piraha vahoj 500 h i dyjamietram 18 sm składaje 37 rubloŭ.
Na biełaruskim sajcie prajekta skazana, što spačatku dastaŭka budzie pracavać u Pieršamajskim rajonie stalicy, častcy Savieckaha, Partyzanskaha i Centralnaha rajonaŭ.
Na biełaruskim rynku ŭžo pracujuć niekalki słužbaŭ dastaŭki pirahoŭ. Adna z samych viadomych — «Štolle», «Piakarnia Pirahova», «Papa piok» i inšyja.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
A vsie eti pirohi, piccy tolko vies dobavlajut, a košielek ubavlajut)))