Bielhija zabłakavała nadańnie Ukrainie €140 miljardaŭ reparacyjnaha kredytu za košt aktyvaŭ RF
Bielhija zabłakavała nadańnie Ukrainie €140 miljardaŭ reparacyjnaha kredytu za košt aktyvaŭ RF, jaki płanavałasia prafinansavać za košt prybytkaŭ ad zamarožanych rasijskich aktyvaŭ.
Lidary ES adkłali razhlad pytańnia da śniežnia i pachavali nadziei ŭkrainskaha ŭrada atrymać srodki ŭ pačatku 2026 hoda, piša Financial Times.
Lidary 26 krain ES (Vienhryja ŭstrymałasia) paprasili Jeŭrapiejskuju kamisiju «jak maha chutčej pradstavić varyjanty finansavaj padtrymki na asnovie acenki finansavych patrebaŭ Ukrainy», ale farmalna nie padtrymali nadańnie kredytu pad zakład zamamarožanych rasijskich aktyvaŭ.
Na samicie ŭ Brusieli prapanovu adnosna vykarystańnia prybytkaŭ ad zamarožanych aktyvaŭ RF (kala 190 miljardaŭ jeŭra) dla finansavańnia maštabnaha kredytu Ukrainie sustreła supraciŭ z boku Bielhii.
Pakolki pieravažnaja bolšaść hetych aktyvaŭ zachoŭvajecca ŭ centralnym depazitaryi Euroclear, jaki raźmieščany ŭ Brusieli, Bielhija baicca stać hałoŭnaj mišeńniu dla jurydyčnych pazovaŭ i finansavych kontrmier z boku Rasii.
«My pryniali klučavoje palityčnaje rašeńnie zabiaśpiečyć poŭnuju finansavuju padtrymku Ukrainy dla pakryćcia jaje patrebaŭ u 2026 i 2027 hadach», — zajaviŭ prezident Jeŭrapiejskaj rady Antoniu Košta, adznačyŭšy pry hetym najaŭnaść «techničnych pytańniaŭ», jakija jašče patrabujuć vyrašeńnia.
Premjer-ministr Bielhii Bart de Vievier zajaviŭ, što jaho krainie patrebna absalutnaja jasnaść adnosna pravavoj asnovy takoha kroku i patencyjnych ryzyk dla jeŭra, a taksama harantyi ad inšych krain, što hrošy mohuć być viernutyja pry nieabchodnaści.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary