Pavodle apytańnia Eurobarometer, bolš za pałovu jeŭrapiejcaŭ — 56 % — padtrymlivajuć dalejšaje pašyreńnie Jeŭrapiejskaha sajuza. Najbolš pazityŭna da hetaha staviacca žychary Šviecyi (79 %), Danii (75 %) i Litvy (74 %), a najmienšuju padtrymku vykazali ŭ Aŭstryi, Čechii i Francyi (kala 43—45 %), paviedamlaje Euronews.
Asnoŭnymi prychilnikami pašyreńnia źjaŭlajucca moładź i adukavanyja ludzi. Siarod maładych jeŭrapiejcaŭ va ŭzroście ad 15 da 24 hadoŭ hetuju ideju padtrymlivajuć 67 %, a siarod tych, kamu ad 25 da 39 hadoŭ, — 63 %. Ekśpierty adznačajuć, što najbolš suprać pašyreńnia tyja maładyja ludzi, jakija nie majuć vyšejšaj adukacyi i čaściej padtrymlivajuć radykalnyja pohlady.
Siarod čakanych plusaŭ pašyreńnia jeŭrapiejcy najčaściej nazyvajuć:
- pavieličeńnie ŭpłyvu ES u śviecie (37 %);
- uzmacnieńnie ŭnutranaha rynku (37 %);
- palapšeńnie salidarnaści pamiž krainami-členami (30 %).
Adnak isnujuć i strachi:
- 40 % bajacca rostu imihracyi;
- 39 % — karupcyi i złačynnaści,
- 37 % — dadatkovych vydatkaŭ dla padatkapłatnikaŭ.
Bolšaść respandentaŭ (44 %) ličać, što pašyreńnie pavinna adbyvacca tolki pry ŭmovie zabieśpiačeńnia viaršenstva zakona i baraćby z karupcyjaj. Taksama 38 % zaklikajuć krainy-kandydaty ŭziać abaviazacielstvy pa reformach u adpaviednaści sa standartami ES.
Pytańnie pašyreńnia budzie abmiarkoŭvacca 4 listapada ŭ Brusieli na śpiecyjalnym samicie, dzie kiraŭniki krain-kandydataŭ sustrenucca z pradstaŭnikami ES.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary