Premjer Izraila Bińjamin Nietańjachu pryniaŭ rašeńnie pryznačyć svajho vajennaha sakratara Ramana Hofmana novym kiraŭnikom Masada (Słužby raźviedki i biaśpieki Izraila), pra heta havorycca ŭ zajavie kancylaryi izrailskaha kiraŭnika ŭrada.
Adznačajecca, što jon źmienić na hetaj pasadzie dziejnaha kiraŭnika viedamstva Davida Barniea paśla zakančeńnia jaho piacihadovaha terminu paŭnamoctvaŭ u červieni 2026 h.
Prašeńnie Nietańjahu ab pryznačeńni Hofmana siońnia pradstaŭlena Kansultacyjnamu kamitetu krainy pa pryznačeńniach na kiraŭničyja pasady.
Raman Hofman naradziŭsia ŭ 1976 hodzie ŭ Mazyry, u 1990‑m jaho siamja vyjechała z SSSR u Izrail.
Hienierał-major Raman Hofman maje vialiki dośvied u vajennaj spravie. Raniej jon zajmaŭ apieratyŭnyja i kamandnyja pasady ŭ armii Izraila. Jon taksama ŭdzielničaŭ u pryniaćci rašeńniaŭ padčas vajennych dziejańniaŭ na ŭsich frantach i znachodziŭsia ŭ pastajannym kantakcie z usimi raźviedvalnymi słužbami, asabliva z Masadam. Akramia taho, Hofman asabista braŭ udzieł u bajavych dziejańniach i atrymaŭ ranieńni ŭ siektary Haza.
Admietna, što Hofman nie pieršy ŭradženiec Biełarusi, jaki kiravaŭ słavutym Masadam. U 1948‑1963 hadach Masadam kiravaŭ Isier Charel (Izrail Halpieryn), jaki naradziŭsia ŭ 1912 hodzie ŭ Viciebsku i jaki asabista ŭznačalvaŭ apieracyju pa zachopie ŭ Arhiencinie ŭ 1960 hodzie nacysckaha złačyncy Adolfa Ejchmana.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary