Ci majuć prava ŭ kramie nie pradać cukierki z ałkaholem niepaŭnaletnim?
Dniami źjaviłasia infarmacyja, što padletki ŭ Rasii pačali aktyŭna kuplać biełaruskija šakaładnyja cukierki ŭ vyhladzie «čarak» i «butelečak» ź likioram abo kańjakom unutry, i heta stała prablemaj. U suviazi z hetym u vydańnia aif.by uźnikła pytańnie: a ci mohuć u kramie ŭvohule admović niepaŭnaletniamu ŭ prodažy takich łasunkaŭ?
Jak patłumačyŭ advakat Michaił Harbačoŭ z Mahiloŭskaj abłasnoj kalehii advakataŭ, zakanadaŭstva Biełarusi nie abmiažoŭvaje prodaž kandytarskich vyrabaŭ z ałkaholnaj načynkaj.
Tamu zabaranić padletkam kuplać takija cukierki krama nie moža. Abmiežavańni dziejničajuć tolki dla realnaj ałkaholnaj pradukcyi, a nie dla šakaładu.
Pry hetym śpiecyjalisty nahadvajuć: navat nievialikaja kolkaść «darosłaj» načynki moža kiepska paŭpłyvać na dzicia — vyklikać atručeńnie, młosnaść abo vanity, bo ałkahol niehatyŭna ŭździejničaje na niervovuju sistemu niepaŭnaletnich.
Kandytarskaja fabryka «Kamunarka» taksama adreahavała na situacyju. U pradpryjemstvie adznačyli, što cukierki «šakaładnyja butelečki z kańjakom» i «ź likioram» vyrablajucca pavodle receptury, uzhodnienaj ź Ministerstvam achovy zdaroŭja, a kantrol za tym, što jaduć dzieci, — heta zona adkaznaści baćkoŭ.
«Kamunarka» prakamientavali zakidy, što rasijskija školniki pjaniejuć ad jaje cukierak
Biełaruskija cukierki z ałkaholem stali prablemaj u Rasii
Na Kamaroŭcy źjavilisia sałodkija navahodnija padarunki
Ci možna apjanieć ad cukierak «Staličnyja» i maroziva z takoj ža načynkaj? Voś što pakazaŭ ekśpierymient
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary