Mileŭski: Samaje składanaje — žyć jak Ranałdu. Mnie ž treba vypić piva, vypić vina
Uradženiec Minska, były forvard bresckaha i kijeŭskaha «Dynama» Arciom Mileŭski adkazaŭ na pytańnie pra toje, što było samym składanym u jaho spartyŭnaj karjery, piša football.by.
«Asabista dla mianie samaje składanaje — žyć jak Kryšcijanu Ranałdu, być takim voś prafiesijanałam. Ščyra i adkryta — nie mahu ja jak jon. Mnie ž treba pasiadzieć, vypić piva, vypić vina niedzie, blin».
«Ja nie razumieju, jak jon žyvie! Mahčyma, kali b ja žyŭ, jak jon — stroha, treniravaŭsia, a 3 hadzinie nočy chadziŭ, — u mianie była b takaja karjera. Dla mianie heta nonsens!», — dadaŭ jon
Arciom Mileŭski (naradziŭsia ŭ 1985 hodzie ŭ Minsku) byŭ adnym z samych talenavitych biełaruskich futbalistaŭ. U 15 hadoŭ jon pierajechaŭ va Ukrainu, vystupaŭ za kijeŭskaje «Dynama», pryniaŭ ukrainskaje hramadzianstva, što vyklikała nianaviść u bolšaj častki biełaruskaj zaŭziatarskaj hramadskaści. Vystupaŭ za zbornuju Ukrainy i zhulaŭ na čempijanacie śvietu. Ale viasiołaje žyćcio i pieryjadyčnyja zaloty spynili jaho raźvićcio, jon navat traplaŭ u ałkaholnuju komu.
U nijakim top-kłubie jon tak i nie zahulaŭ. U jaho karjery byli turecki «Hazijantepspor», charvackija «Split» i «'Chajduk», vienhierskaja «Kišvarda», bresckaje «Dynama», skončyŭ karjeru ŭ 2021 hodzie va ŭkrainskim «Minai». Zabiŭ za karjeru 399 miačoŭ na kłubnym uzroŭni i vosiem za zbornuju.
Kryšcijanu Ranałdu — jaho adnahodak, praciahvaje karjeru ŭ saudaŭskim «An-Nasry», ale praciahvaje hulać za zbornuju Partuhalii. Maje za karjeru 956 hałoŭ i choča zabić 1000. Bukmiekiery dajuć 90 pracentaŭ, što jon hetaha dabjecca.
U Lijaniela Miesi, jaki taksama praciahvaje karjeru, 896 miačoŭ, u Piele było 762, u Robierta Levandoŭskaha, jaki taksama jašče hulaje, 685.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała18
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary