Minzdaroŭja pieraviało svaju sistemu ŭ režym pavyšanaj hatoŭnaści
Ministerstva achovy zdaroŭja Biełarusi pieraviało sistemu achovy zdaroŭja ŭ režym pavyšanaj hatoŭnaści. Heta rašeńnie pryniataje na fonie abjaŭlenaha «čyrvonaha» ŭzroŭniu niebiaśpieki na 9 studzienia praz mocny śniehapad i paryvisty viecier.
U Ministerstvie paviedamili, što kiraŭnikam hałoŭnych upraŭleńniaŭ achovy zdaroŭja rehijonaŭ, Kamitetu achovy zdaroŭja Minska i padparadkavanych ustanoŭ dali apieratyŭnyja zadańni dla zabieśpiačeńnia bieśpierabojnaj pracy miedycynskaj sistemy.
Asablivaja ŭvaha nadadzienaja:
- praviercy hatoŭnaści aŭtanomnych krynic elektrazabieśpiačeńnia;
- umacavańniu dziažurna-dyśpietčarskich słužbaŭ na stancyjach chutkaj miedycynskaj dapamohi i pryjomnych adździaleńniach balnic;
- farmavańniu reziervu bryhad chutkaj dapamohi na vypadak rostu kolkaści vyklikaŭ.
Taksama asobny błok zadańniaŭ tyčycca łahistyki: miedycynskija ŭstanovy pavinny zabiaśpiečyć rasčystku ad śniehu daroh i padjezdaŭ da balnic, pryjomnych adździaleńniaŭ, traŭmapunktaŭ i stancyj chutkaj dapamohi.
Cykłon «Uli», jaki nakryŭ krainu, pryvioŭ da taho, što Biełhidramiet upieršyniu za apošnija paŭhoda abjaviŭ čyrvony ŭzrovień niebiaśpieki. U bolšaj častcy krainy idzie mocny śnieh, nočču ŭ paŭdniova-ŭschodnich rajonach jon čakajecca vielmi mocny. Miescami pradbačycca zavirucha i śniežnyja zanosy na darohach. Dniom paryvy vietru składuć 15—20 m/s, a nočču — da 24 m/s. Asabliva mocnaja niepahadź čakajecca ŭ stalicy: śnieh, zaviruchi, zanosy i paryvisty viecier.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary