U Narviehii nazvali «hańbaj» pieradaču Trampu Nobieleŭskaha miedala miru
Krytyku vyklikaŭ učynak lidarki vieniesuelskaj apazicyi Maryi Karyny Mačada, jakaja addała svoj Nobieleŭski miedal miru prezidentu ZŠA. U Osła śpiašalisia zapeŭnić, što heta nie aznačaje, što Donald Tramp ciapier — łaŭreat premii, paviedamlaje DW Belarus.
«Paśla abviaščeńnia ab Nobieleŭskaj premii jaje nielha adklikać, padzialić abo pieradać inšym. Heta rašeńnie kančatkovaje i dziejničaje viečna. Miedal moža źmianić uładalnika, ale zvańnie łaŭreata Nobieleŭskaj premii miru — nie», — zajavili ŭ Nobieleŭskim centry miru ŭ Osła. Heta muziej, pryśviečany Nobieleŭskaj premii miru.
Narviežski tabłoid Verdens Gang napisaŭ, što Tramp «nie stanie łaŭreatam Nobieleŭskaj premii miru, navat kali budzie kožny dzień chadzić z załatym miedalom na šyi».
«Heta poŭnaje nievykanańnie pavahi da ŭznaharody ź jaje boku. I heta biessensoŭny ŭčynak, bo ŭznaharodu nielha prosta tak pieradać», — zajaviła prafiesarka Univiersiteta Osła, palitołah Jańnie Chaałand Matłary. Raniej jana pracavała ŭ MZS Narviehii.
Narviežski palitołah Bieniedyk Buł nazvaŭ učynak Mačada «ŭražalnym, sumnym i adkryta prynižalnym».
«Heta nievierahodna haniebna i nanosić škodu adnoj z samych viadomych i važnych suśvietnych premij. Prysuždžać premiju ciapier nastolki palityzavana i patencyjna niebiaśpiečna, što heta lohka moža lehitymizavać stvareńnie antypremii miru. Nievierahodna, što jana sapraŭdy addała premiju Trampu», — napisaŭ u Facebook były mer Osła Rajmand Jochansen.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki21
Kamientary