Iranskija ŭłady rasstrełami faktyčna zadušyli masavyja antyŭradavyja pratesty, jakija praciahvalisia ŭ krainie z kanca śniežnia. Pra heta paviedamlajuć The New York Times i Reuters sa spasyłkaj na śviedčańni žycharoŭ i pravaabaroncaŭ.
Pavodle słoŭ žycharoŭ Tehierana, praz maštab represij i vialikuju kolkaść zahinułych vuličnyja akcyi na hetym tydni amal spynilisia, a prysutnaść siłavikoŭ u stalicy stała paŭsiudnaj, što nahadvaje ŭmovy vajennaha stanovišča.
Pravaabarončaja arhanizacyja Hengaw, jakaja bazujecca ŭ Narviehii, paviedamiła, što z 11 studzienia ŭ Iranie nie było zafiksavana nivodnaj bujnoj demanstracyi. U mnohich haradach nazirajecca mocnaja militaryzacyja, tysiačy ludziej zatrymanyja, častka ŭniviersitetaŭ zakrytaja.
Pavodle acenak izrailskaha Ministerstva abarony, na jakija spasyłajecca The New York Times, pratesty rezka pajšli na spad paśla taho, jak siłavyja struktury pačali šyroka vykarystoŭvać bajavyja patrony i adklučyli internet.
Apytanyja Reuters žychary Tehierana paćvierdzili, što vulicy ŭžo niekalki dzion zastajucca adnosna spakojnymi. Adnak pa miery častkovaha adnaŭleńnia dostupu da internetu źjaŭlajucca novyja śviedčańni hvałtu. Adna z žycharak stalicy paviedamiła, što jaje 15‑hadovuju dačku zabili iranskija siłaviki paśla ŭdziełu ŭ demanstracyi. Taksama ŭ siecivie raspaŭsiudžvajecca videa z sudova-miedycynskaha centra ŭ Tehieranie, paćvierdžanaje Reuters, na jakim bačnyja dziasiatki ciełaŭ.
Na hetym fonie prezident ZŠA Donald Tramp, jaki raniej pahražaŭ umiašańniem u vypadku masavych zabojstvaŭ pratestoŭcaŭ, zajaviŭ, što iranskija ŭłady nibyta admianili zapłanavanyja pakarańni śmierciu bolš jak 800 čałaviek, a tamu jon pakul admoviŭsia ad udaraŭ pa Iranie. Aficyjny Tehieran takich płanaŭ nie paćviardžaŭ i słovy Trampa nie kamientavaŭ. Adzin z žycharoŭ stalicy skazaŭ NYT, što paśla zadušeńnia pratestaŭ u hramadstvie panujuć rasčaravańnie i strata iluzij.
Danyja pra kolkaść zahinułych istotna adroźnivajucca. Amierykanskaja pravaabarončaja arhanizacyja HRANA paviedamlaje pra jak minimum 2677 achviar, bolšaść ź jakich — pratestoŭcy. Iranski čynoŭnik raniej nazvaŭ ličbu kala 2000 zahinułych z abodvuch bakoŭ. Pry hetym, pavodle krynic CBS News, realnaja kolkaść achviar moža być značna bolšaj i dasiahać 20 tysiač čałaviek.
Videa z tehieranskaha morha śviedčać pra vielmi žorstkaje padaŭleńnie pratestaŭ u Iranie
Zamiest udaru pa Iranie ZŠA ŭviali sankcyi suprać iranskich čynoŭnikaŭ
Kronprync Irana paabiacaŭ pryznać Izrail i spynić jadziernuju prahramu
Tramp abiacaje padtrymku pratestoŭcam u Iranie. Ale ci jość u jaho dastatkovyja siły?
Jak Iran adklučyŭ internet? I jak tady irancy zmahli pieradać infarmacyju?
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
iranskaje palitbiuro mułaŭ biez šansaŭ jak imieryja Ramanavych ŭ 20s., ci Balšavickaja imieryja ŭ 80ch. Nie nie siońnia tak zaŭtra źniasuć ich hałodnyja i niezadavolenyja. Situacyja tam žachlivaja, Tramp viedaje spravu R. Rejhana dobra, siońnia urałs $ 30 zhodna Bloomberg. uzki i iranski mir nafty da haza kaput. V.. Iran, Dzied vova nastupny