Siaredniaja škoła № 1 horada Baranavičy nabyła bijaničnaha robata-sabaku Unitree Go2. Technika budzie vykarystoŭvacca jak navučalny dapamožnik dla padrychtoŭki budučych inžynieraŭ i IT-śpiecyjalistaŭ, piša «Naš kraj».
Nabyćcio stała mahčymym dziakujučy premii Bresckaha abłvykankama i sponsarskaj dapamozie pradpryjemstva «Brestabłhaz». Pa słovach dyrektara škoły Maryny Kupcovaj, robat stanie «sercam» dla miždyscyplinarnych prajektaŭ, jakija abjadnajuć infarmatyku, fiziku i matematyku.
Robat abstalavany štučnym intelektam, łaziernymi datčykami dla aryjentacyi ŭ prastory i manipulataram. Vučni dziciačaha technaparka, jaki pracuje pry škole, užo płanujuć vykarystoŭvać płatformu dla napisańnia ŭłasnych ałharytmaŭ aŭtanomnaj navihacyi i stvareńnia pratatypaŭ pamočnikaŭ dla ludziej ź invalidnaściu.
Načalnik upraŭleńnia pa adukacyi Baranavickaha harvykankama Taćciana Šastak nazvała nabyćcio takoha kompleksu prykładam śmiełaj adukacyjnaj palityki. Jana dadała, što škoła zadaje novy impuls dla ŭsioj sistemy adukacyi horada, stvarajučy asiarodździe, jakoje kardynalna mianiaje status navučalnaj ustanovy i dazvalaje inžyniernaj dumcy raźvivacca na praktycy.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary