Ukrainski skieletanist Hieraskievič prakamientavaŭ situacyju sa svajoj dyskvalifikacyjaj na Alimpijadzie
Jon adznačyŭ, što nie atrymaŭ nijakaha tłumačeńnia adnosna rasiejskaha ściaha, namalavanaha na šlemie adnaho sa spartoŭcaŭ.
Ukrainski skieletanist Uładzisłaŭ Hieraskievič upieršyniu prakamientavaŭ svaju dyskvalifikacyju na zimovaj Alimpijadzie-2026, piša UNIAN.
Ukrainski spartoviec miarkuje, što nijakich parušeńniaŭ ź jahonaha boku na Alimpijadzie-2026 nie było. «My nie parušyli nijakich praviłaŭ i mieli poŭnaje prava vystupać u hetym šlemie na ŭzroŭni ź inšymi spartoŭcami, jakija rabili padobnaje ŭ papiarednija dni na hetych Alimpijskich hulniach», — padkreśliŭ spartoviec.
Hieraskievič raspavioŭ, što ŭ atrymanych im dakumientach napisana, što jon publična anansavaŭ, što heta achviary vajny.
«Hety šlem nie niasie palityčnaha kantekstu, tamu, miarkuju, ja mieŭ poŭnaje prava vystupać u im», — vykazaŭ pierakanańnie spartoviec.
U suviazi z hetym Hieraskievič pastaviŭ pad sumnieŭ zajavy Mižnarodnaha alimpijskaha kamiteta (MAK) i asabista staršyni MAK Kierści Kovientry, što jany padtrymlivajuć Ukrainu.
«U hetym jość vialikija sumnievy. Asabliva paśla hetaha rašeńnia. My zapłacili canu za našu hodnaść. Ja adstojvaŭ intaresy Ukrainy i pamiać ab spartoŭcach», — rastłumačyŭ svaje dziejańni Hieraskievič.
Jon adznačyŭ, što ŭ dalejšym budzie rychtavać pazoŭ u CAS i praciahvać zmahacca za svaje pravy.
Nahadajem, što siońnia Mižnarodny alimpijski kamitet dyskvalifikavaŭ Ułada Hieraskieviča, jaki źbiraŭsia vystupać na spabornictvach u šlemie, na jakim byli fotazdymki zahinułych na vajnie z Rasijaj ukrainskich spartoŭcaŭ.
Raniej MAK zabaraniŭ jamu ŭ hetym šlemie i vystupać, i treniravacca. Hieraskieviču prapanavali zamianić šlem na čornuju stužku. A ŭ šlemie, maŭlaŭ, možna budzie vyjści da presy paśla spabornictvaŭ. Jon admoviŭsia.
Na šlemie źmieščanyja vyjavy 20 spartsmienaŭ, jakija zahinuli za apošnija čatyry hady padčas uvarvańnia Rasii.
«Niekatoryja ź ich byli členami alimpijskaha ruchu, alimpijskaj siamji; niechta — prosta dziećmi, jakija trapili pad rasijskija abstreły. Heta byli ludzi, jakija ŭsio žyćcio byli ciesna źviazanyja sa sportam, zaŭzieli za nas, byli našymi siabrami», — skazaŭ ukrainski skieletanist. — Niekatoryja ź ich byli maimi siabrami».
MAK zabaraniŭ ukrainskamu skieletanistu vystupać u šlemie z vyjavami spartsmienaŭ, zahinułych na vajnie
Ukrainiec budzie zmahacca za «šlem pamiaci» na Alimpijadzie. Chto na im — poŭny śpis
Ukrainskaha skieletanista Hieraskieviča dyskvalifikavali na Alimpijadzie za šlem z fotazdymkami zahinułych na vajnie spartoŭcaŭ
Prezident MAK raspłakałasia paśla dyskvalifikacyi skieletanista Hieraskieviča
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?88
Kamientary
nie połučiłoś stať ravnieje druhich.
Dla političieskich diemonstracij iŝitie płoŝadki vnie olimpijskich ihr
Kažaš tak, być by ich čytaŭ)
"Pa druhoje, čamu ž tady mak nie pakaraŭ tych spartoŭcaŭ"© A ty viedaješ, adkul stała viadoma, što chtości taksama maje niejkija parušeńni? Heta praz hetaha stukača.
"Voś dzie kryvadušša i cynizm, a ty heta jašče apraŭdvaješ!"©
Jaho papiaredzili, prapanavali alternatyvu, jon admoviŭsia, za što i vinien nieści adkaznaść.