ZŠA nakirujuć u Armieniju bolš za 13 miljardaŭ dalaraŭ inviestycyj. Heta amal pałova jaje hadavoha VUP
ZŠA płanujuć nakiravać u Armieniju inviestycyi na sumu bolš za 13 miljardaŭ dalaraŭ, što składaje amal pałovu hadavoha VUP krainy. Pavodle infarmacyi Bloomberg, hetyja srodki pavinny dapamahčy Jerevanu źmienšyć šmathadovuju zaležnaść ad Rasii.
Padčas vizitu vice-prezidenta ZŠA Džej Dzi Vensa ŭ Armieniju było padpisana pahadnieńnie ab cyvilnym jadziernym partniorstvie. Jano praduhledžvaje vydaču Armienii da 9 miljardaŭ dalaraŭ. Jašče 4 miljardy płanujecca nakiravać na raźvićcio prajektaŭ u śfiery štučnaha intelektu. Dla armianskaj ekanomiki, hadavy VUP jakoj składaje kala 27 miljardaŭ dalaraŭ, heta biesprecedentnyja sumy.
Jadziernaje pahadnieńnie adkryvaje mahčymaść pastavak amierykanskich atamnych technałohij i ŭdziełu kampanij ZŠA ŭ budaŭnictvie novaj atamnaj stancyi zamiest Miecamorskaj AES, jakaja była ŭźviedzienaja ŭ saviecki čas i zabiaśpiečvaje kala 40% elektraenierhii krainy. Dahetul stancyja znachodziłasia pad kiravańniem «Rasatama», a paliva pastaŭlałasia z Rasii.
Vizit Vensa staŭ častkaj bolš šyrokaj baraćby za ŭpłyŭ na Paŭdniovym Kaŭkazie — važnym transpartna-enierhietyčnym rehijonie. Paśla Jerevana amierykanski vice-prezident naviedaŭ Baku, dzie z prezidentam Azierbajdžana Ilchamam Alijevym była padpisanaja Chartyja ab stratehičnym partniorstvie. Dakumient praduhledžvaje supracoŭnictva ŭ transparcie, enierhietycy, abaronie i ličbavych technałohijach, a taksama raźvićcio tak zvanaha Siaredniaha kalidora i prajekta TRIPP — maršrutu da Nachičevani praz terytoryju Armienii.
Aktyvizacyja ZŠA ŭ rehijonie adbyłasia paśla padziej žniŭnia 2025 hoda, kali ŭ Vašynhtonie było padpisana pahadnieńnie pamiž Armienijaj i Azierbajdžanam, jakoje pakłała kaniec šmathadovamu kanfliktu vakoł Nahornaha Karabacha.
Zbližeńnie Armienii z ZŠA paskoryłasia paśla vajny pačatku 2020‑ch hadoŭ i straty kantrolu nad Nahornym Karabacham. Tady Jerevan nie atrymaŭ čakanaj padtrymki ad Rasii i partnioraŭ pa ADKB, paśla čaho zamaroziŭ udzieł u arhanizacyi. U 2023 hodzie Armienija praviała pieršyja sumiesnyja vajskovyja vučeńni z ZŠA.
U žniŭni 2025 hoda Armienija i Azierbajdžan damovilisia ab realizacyi prajekta TRIPP, jaki praduhledžvaje budaŭnictva aŭtamabilnaj, čyhunačnaj i naftahazavaj infrastruktury. U studzieni 2026 hoda kiraŭnik MZS Armienii zajaviŭ, što ŭdzieł Rasii ŭ hetym prajekcie nie praduhledžvajecca.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary
dzied vova jak i hitler ŭ 1945 žyvie ŭ marach i ź vialikaj dzikaj ŭ kišeni, nie hladzi zašmat RT, spadar.
I nam Treba šukać kampramisy i damaŭlacca pamiš saboj (na movie) nichto za nas heta rabić nie budzie.