Słavuty paryžski Łuŭr znoŭ apynuŭsia ŭ centry ŭvahi paśla čarhovaha incydentu: u čaćvier uviečary vada paškodziła tut raśpisnuju stol 1819 hoda. Vyciek adbyŭsia z truby aciapleńnia ŭ techničnym pamiaškańni, i vada trapiła na rośpis, stvorany francuzskim mastakom-nieakłasikam Šarlem Miajńje, paviedamlaje Euronews.
Paciarpieły tvor znachodzicca ŭ zale №707, kala ŭvachodu ŭ adździeł žyvapisu ŭ kryle Denon. Pobač raźmieščanaja Halereja d'Apałon, dzie letaś u kastryčniku adbyłosia hučnaje rabavańnie.
Pavodle paviedamleńnia muzieja, ratavalnyja słužby apieratyŭna adreahavali i niedzie apoŭnačy vyciek udałosia spynić. Ranicaj na miesca zdareńnia prybyŭ restaŭratar, jaki vyjaviŭ dva paškodžańni ŭ adnoj zonie, vyklikanyja vadoj, a taksama ŭzdućcie farbavaha płasta na stoli i jaje arkach.
Hałoŭny architektar histaryčnych pomnikaŭ adznačyŭ, što kanstruktyŭnych paškodžańniaŭ niama, adnak pravodzicca dadatkovaje detalovaje abśledavańnie jak samoj stoli, tak i žyvapisu.
U piatnicu častka pamiaškańniaŭ Łuŭra zastavałasia zakrytaj, ale zału №707 płanujuć adkryć najbližejšym časam. Pry hetym nie vyklučana, što pieraboi ŭ pracy muzieja mohuć praciahnucca, i adkryćcio dla naviedvalnikaŭ u paniadziełak budzie adkładzienaje.
Heta ŭžo druhaja ŭciečka vady ŭ Łuŭry mienš čym za try miesiacy. U listapadzie minułaha hoda padobny incydent u biblijatecy adździeła jehipieckaj staražytnaści paškodziŭ sotni ekspanataŭ. Akramia taho, paśla kastryčnickaha kradziažu vaśmi histaryčnych kaštoŭnaściaŭ XIX stahodździa muziej rehularna sutykajecca z prablemami — ad rasśledavańnia machinacyj z kvitkami da strajkaŭ supracoŭnikaŭ, jakija skardziacca na niedachop piersanału i prablemy ź biaśpiekaj.
Łuŭr značna pavysiŭ ceny dla naviedvalnikaŭ nie ź Jeŭrasajuza
Parolem ad kamier videanazirańnia ŭ abrabavanym Łuŭry było słova «Łuŭr»
Padazravany ŭ rabavańni Łuŭra raskazaŭ pra zamovu ad «mužčyn sa słavianskim akcentam»
U arhanizacyi rabavańnia Łuŭra padazrajuć rasijanina, źviazanaha sa śpiecsłužbami
Paśla vykradańnia kaštoŭnaściej z Łuŭra, jaho skarby schavali ŭ padziemnym schoviščy Banka Francyi
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary