Cichanoŭskaja vitała ŭviadzieńnie Zialenskim sankcyj suprać Łukašenki
Śviatłana Cichanoŭskaja vitała ŭviadzieńnie prezidentam Ukrainy piersanalnych sankcyj suprać Alaksandra Łukašenki.
«Heta pravilnaje i svoječasovaje rašeńnie Ukrainy. I ja dziakuju prezidentu Zialenskamu za pryncypovuju pazicyju. Łukašenka nie źjaŭlajecca lehitymnym kiraŭnikom: jon niezakonna zachapiŭ uładu i słužyć intaresam Rasii, a nie biełaruskamu narodu. Biełaruski narod staŭ zakładnikam dvuch dyktataraŭ.
Uviedzienyja Ukrainaj sankcyi — heta sankcyi suprać dyktatara asabista. Jon dapamahaje Rasii ŭ złačynnaj vajnie, vyrablaje zbroju i, biezumoŭna, pavinien panieści za heta adkaznaść zhodna ź mižnarodnym pravam. Heta taksama vyraznaje pasłańnie tym, chto atačaje Łukašenku: dapamahajučy jamu, vy stanoviciesia saŭdzielnikami złačynstvaŭ. Biespakaranaść — toje, što ŭzmacniaje dyktataraŭ. I siońnia Ukraina pakazała, što biespakaranaści być nie pavinna.
Vajna pavinna być spynienaja, a mir i spraviadlivaść — adnoŭlenyja», — napisała jana.
-
Voś chto toj chłopiec, jaki pajechaŭ na prapołku bulby i staŭ hierojem sacsietak
-
Pamiatajecie charyzmatyčnaha i žartaŭlivaha kiraŭnika Mikałajeŭskaj vobłaści? Jon moža stać ministram u novym uradzie Ukrainy
-
Bank u Polščy zabłakavaŭ rachunki — a tam ipateka, i źbieražeńni. Ajcišnik-biełarus baicca stracić kvateru
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary