39‑hadovy minčuk vyraściŭ doma siem kustoŭ kanoplaŭ i zachoŭvaŭ marychuanu.
Jaho zatrymali ŭ śniežni 2025 hoda, kali mužčyna vyjšaŭ z domu vynieści śmiećcie. U jaho kvatery na vulicy Adzincova znajšli i kanfiskavali bolš za 1 h marychuany i prystasavańnie dla kureńnia. U tumbie na bałkonie znajšli sabrany z padručnych materyjałaŭ hroŭboks ź siamiu kustami kanoplaŭ, paviedamlajuć «Minsk-Naviny».
Na minčuka zaviali kryminalnuju spravu. Jon raspavioŭ, što ŭpieršyniu pasprabavaŭ marychuanu jašče ŭ maładości, paśla čaho ŭžyvaŭ jaje pieryjadyčna. U žniŭni-vieraśni 2025 hoda jon pajechaŭ na daču ŭ Minskuju vobłaść i znajšoŭ kust dzikarosłych kanoplaŭ, ź jakoha sarvaŭ liście i sabraŭ nasieńnie. Liście mužčyna vysušyŭ, zdrabniŭ i skuryŭ, a nasieńnie pasadziŭ u hrunt. Raniej mužčyna pracavaŭ doktaram-psichijatram-narkołaham, a paśla staŭ indyvidualnym pradprymalnikam. Niezadoŭha da zatrymańnia jon čarhovy raz pakuryŭ marychuanu.
Mužčynu abvinavačvajuć pa č. 1 art. 328 KK («Niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ») i č. 1 art. 329 KK («Niezakonnyja pasieŭ i (abo) vyroščvańnie raślin albo hryboŭ, jakija ŭtrymlivajuć narkatyčnyja srodki abo psichatropnyja rečyvy»). Da suda jaho vypuścili pad asabistaje paručycielstva.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary