Jeŭrakamisija paprasiła Ukrainu chutčej adramantavać naftapravod «Družba»
Jeŭrapiejskaja kamisija źviarnułasia da Ukrainy z prośbaj paskoryć ramont naftapravoda «Družba», jaki byŭ surjozna paškodžany 27 studzienia ŭ vyniku rasijskaj ataki. Paškodžańnie trubapravoda vyklikała napružańnie, bo Vienhryja ŭ adkaz zabłakavała vydzialeńnie Ukrainie kredytu na 90 miljardaŭ jeŭra i novy pakiet sankcyj suprać Rasii, piša Euronews.
Pakul «Družba» nie pracuje, najbolš realnaj alternatyvaj pastavak nafty ŭ Vienhryju i Słavakiju nazyvajuć charvacki naftapravod «Adryja». Jaho apieratar zajaviŭ, što mahutnaściaŭ dastatkova, kab pakryć hadavyja patreby abiedźviuch krain. U Brusieli taksama paćvierdzili, što praz hety maršrut užo transpartujecca nierasijskaja nafta.
Abiedźvie krainy ŭžo vykarystali častku svaich avaryjnych zapasaŭ, jakija pavodle pravił ES pavinny pakryvać minimum 90 dzion impartu. U Jeŭrakamisii padkreślivajuć, što niepasrednaj pahrozy enierhietyčnaj biaśpiecy ES pakul niama.
Razam z tym Budapiešt i Bracisłava nastojvajuć na svaim pravie atrymlivać bolš tannuju rasijskuju naftu praz «Družbu», bo majuć vyklučeńnie z sankcyj. Vienhryja abvinavaciła Ukrainu ŭ «šantažy» i abviaściła padvojnaje vieta. Premjer-ministr Viktar Orban navat zajaviŭ pra raźmiaščeńnie vajskoŭcaŭ dla achovy naftavaj infrastruktury i stvareńnie zony, zabaronienaj dla dronaŭ, kala miažy z Ukrainaj.
Padčas učarašniaha vizitu ŭ Kijeŭ staršynia Jeŭrakamisii Ursuła fon der Lajen zaklikała paskoryć ramont trubapravoda. Prezident Ukrainy Uładzimir Zialenski adkazaŭ, što ramont uskładniajecca pastajannymi abstrełami i niebiaśpiekaj dla ludziej. Ukraina śćviardžaje, što viadzie adnaŭlenčyja raboty, ale kankretnych terminaŭ ich zakančeńnia nie nazyvaje.
Sprečka vakoł «Družby» ŭskładniaje situacyju dla Brusiela: z adnaho boku, joj treba harantavać enierhietyčnuju biaśpieku krain ES, z druhoha — jak maha chutčej vydzielić Ukrainie ŭzhodnieny kredyt. Kijevu novyja srodki patrebnyja ŭžo ŭ krasaviku.
Fon der Lajen paabiacała, što Ukraina atrymaje zabłakavanyja Orbanam 90 miljardaŭ jeŭra «tak ci inakš»
Ministr zamiežnych spraŭ Vienhryi nazvaŭ umovu, pry jakoj kraina padtrymaje vydaču Ukrainie 90 młrd jeŭra
Adrezanaja ad naftapravoda «Družba» Słavakija kupiła siem tankieraŭ nafty ŭ inšych krainach
Jeŭrasajuz nie patrabuje ad Ukrainy chutka ramantavać naftapravod «Družba»
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB49
Kamientary
A bieź Jeŭrakamisii Ukraina nie moža sama zrazumieć nieabchodnaść takich dziejańniaŭ?
Pošioł 5 hod vojny....
A čto načniotsia pośle podpisanija "mira", "pieriemirija" !?? , strašno priedstaviť......