Hałoŭny ideołah raskazaŭ, ci buduć u Biełarusi zabaraniać dzieciam i padletkam karystacca sacsietkami
U Biełarusi pakul nie płanujuć uvodzić uzrostavyja abmiežavańni na karystańnie sacyjalnymi sietkami dla dziaciej i padletkaŭ. Pra heta paviedamiŭ pieršy namieśnik kiraŭnika administracyi Łukašenki Uładzimir Piarcoŭ, adkazvajučy na pytańni žurnalistaŭ padčas kalehii Ministerstva infarmacyi, piša BiełTA.
Pavodle słoŭ čynoŭnika, havorka idzie nie pra błakavańnie sacsietak dla padletkaŭ 15—16 hadoŭ, a ŭvohule pra mahčymaść uzrostavych cenzaŭ, jakija ŭžo dziejničajuć u niekatorych krainach. Jon adznačyŭ, što sacyjalnyja sietki ŭsio macniej upłyvajuć na moładź, jakaja z uzrostam nie nabyvaje zvyčki čytać drukavanyja vydańni i zastajecca ŭ ličbavym asiarodździ.
Razam z tym Piarcoŭ padkreśliŭ, što na hety momant prymać rehulacyjnyja rašeńni ab uzrostavych abmiežavańniach u Biełarusi nie płanujecca.
Jon taksama źviarnuŭ uvahu, što ŭ krainie pakul niama efiektyŭnych miechanizmaŭ pravierki ŭzrostu karystalnikaŭ. Składana dakładna vyznačyć, chto mienavita zachodzić u sacsietku pad peŭnym nikam.
Pry hetym adznačajecca, što praz hulniavyja płatformy i sacyjalnyja sietki ŭžo nazirajucca sproby ŭpłyvu na moładź. Pavodle słoŭ Uładzimira Piarcova, niekatoryja płatformy mohuć źbirać piersanalnyja danyja, u tym liku zapytvać skany abo fota dakumientaŭ, kab identyfikavać karystalnikaŭ i adsočvać ich aktyŭnaść u internecie.
Piarcoŭ taksama adznačyŭ, što ličbavaja prastora chutka źmianiajecca: transfarmujucca papularnyja płatformy, źmianiajecca miedyjałandšaft. Jakija kroki varta rabić u adkaz na hetyja pracesy, pakul zastajecca dla rehulataraŭ adkrytym pytańniem.
Piarcoŭ prapanavaŭ uvieści dapłaty da zarobkaŭ dla prapahandystaŭ, jakija trapili pad sankcyi
Hałoŭny ideołah raskazaŭ, jak prapahandystam daviadziecca pracavać paśla sustrečy z Łukašenkam
Piarcoŭ paskardziŭsia, što paśla niekatorych prapahandysckich lekcyj ludzi pierastajuć padtrymlivać uładu
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»
Ciapier čytajuć
U Francyi ad śpioki zahinuŭ dalnabojščyk z Dokšycaŭ10
Kamientary