ZŠA časova dazvolili Indyi kuplać rasijskuju naftu, jakaja zatrymałasia ŭ mory
«Heta nie pryniasie finansavaj vyhady Rasii», — miarkuje ministr finansaŭ ZŠA.
ZŠA časova dazvolili Indyi kuplać rasijskuju naftu, jakaja zatrymałasia ŭ mory.
«Kab nafta praciahvała pastupać na suśvietny rynak, Ministerstva finansaŭ ZŠA vydaje časovy dazvoł terminam na 30 dzion, jaki dazvalaje indyjskim naftapierapracoŭčym kampanijam zakuplać rasijskuju naftu», — napisaŭ kiraŭnik Minfina ZŠA Skot Besent.
Pavodle słoŭ Besenta, heta karotkaterminovaja miera «nie pryniasie istotnaj finansavaj vyhady ŭradu Rasii», — dazvoleny tolki ździełki z naftaj, jakaja ŭžo znachodzicca ŭ mory i nie moža być dastaŭlena.
Na pačatku lutaha Donald Tramp abviaściŭ, što Indyja pahadziłasia spynić zakupki rasijskaj nafty i kuplać bolš nafty ŭ ZŠA u abmien na źnižeńnie pošlin.
«Heta dapamoža pakłaści kaniec vajnie va Ukrainie», — zajaviŭ prezident ZŠA.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary