Drony, jakija zalacieli ŭ Łatviju i Estoniju, akazalisia ŭkrainskimi
25 sakavika zranku stała viadoma, što ŭ Łatviju i Estoniju z terytoryi Rasii zalacieli bajavyja drony, jakija ŭpali na jaje terytoryi. Adzin ź ich vybuchnuŭ, a druhi ŭrezaŭsia ŭ elektrastancyju. Paśla rasśledavańnia stała viadoma, što heta nie rasijskija bieśpiłotniki, a ŭkrainskija, jakija, vidać, lacieli atakavać abjekty ŭ vakolicach Sankt-Pieciarburha, dy źbilisia z kursu.
Abłomki drona, jaki ŭpaŭ i vybuchnuŭ u Krasłaŭskim krai Łatvii
Prezident Łatvii Edhar Rynkievičs paviedamiŭ, što bieśpiłotnik nočču zalacieŭ u pavietranuju prastoru Łatvii ŭ miežach apieracyi Ukrainy suprać abjektaŭ na terytoryi Rasii. Incydent adbyŭsia ranicaj, infarmacyju pra jaho słužby atrymali prykładna kala 4‑j hadziny.
Pa słovach palityka, usie adkaznyja struktury — Uzbrojenyja siły, palicyja i pamiežnaja słužba — adreahavali naležnym čynam, a miascovyja ŭłady byli apieratyŭna prainfarmavanyja.
Rynkievič padkreśliŭ, što hety vypadak pakazaŭ važnaść umacavańnia supraćpavietranaj abarony, asabliva na miažy. U krainie ŭžo pravodziacca raboty pa ŭmacavańni infrastruktury, ale hałoŭnym vyklikam zastajecca mienavita abarona ad bieśpiłotnikaŭ.
Jon taksama adznačyŭ, što padobnyja incydenty mohuć paŭtarycca, tamu nieabchodna dalej raźvivać sistemy, zdolnyja svoječasova vyjaŭlać i niejtralizavać drony, niezaležna ad ich pachodžańnia i celaŭ.
U Estonii taksama zajavili, što bieśpiłotnik, jaki ŭnačy ŭrezaŭsia ŭ komin elektrastancyi kala vioski Auviere — ukrainski.
Kiraŭnik estonskaj Palicyi biaśpieki Marha Pałasan paviedamiŭ, što kala 3:43 dron zalacieŭ u pavietranuju prastoru Estonii z boku Rasii i praź niekalki kiłamietraŭ urezaŭsia ŭ komin elektrastancyi, paśla čaho adbyŭsia vybuch.
Pavodle papiaredniaj infarmacyi, bieśpiłotnik źbiŭsia z kursu, pryčym na jaho mahli ŭździejničać jašče ŭ rasijskaj pavietranaj prastory. Abłomki śviedčać, što heta byŭ ukrainski dron. Ludzi ŭ vyniku zdareńnia nie paciarpieli.
Pa fakcie incydentu pačata kryminalnaja sprava, śpiecyjalisty vyvučajuć reštki aparata i vyśviatlajuć detali. Taksama nie vyklučajecca, što na borcie mahła być vybuchoŭka, ale heta jašče pavinna paćvierdzić rasśledavańnie.
Akramia taho, paviedamlajecca, što pavietranuju prastoru Estonii parušali i inšyja bieśpiłotniki, u suviazi z čym była zadziejničanaja misija pavietranaha patrulavańnia krain Bałtyi.
Raniej padobny incydent byŭ zafiksavany ŭ Litvie. Dron, jaki zalacieŭ na jaje terytoryju, upaŭ i vybuchnuŭ u pamiežnym ź Biełaruśsiu Varenskim rajonie, taksama akazaŭsia ŭkrainskim.
Padčas načnoj ataki ŭkrainskich dronaŭ u porcie Vybarha byŭ paškodžany najnoŭšy rasijski ledakoł
U Estonii bieśpiłotnik, jaki prylacieŭ z Rasii, urezaŭsia ŭ elektrastancyju
U Łatviju z terytoryi Rasii zalacieŭ i ŭzarvaŭsia dron
U Leninhradskaj vobłaści adbyłasia masiravanaja ataka dronaŭ: pažary ŭ partach i kałaps u Pułkavie
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary
Majcie honar adkazvać za bałabolstva!!!